54:6  6  temps,  et  qui  avoit  approbation  de  ce  qui  est  ici  contenu:  mesmes  nous  voyons  quand  il  n'y  a  eu  nul  contredit  que  sainct  Paul  ne  fust  repute  pour  apostre  de  Iesus  Christ,  qu'il  ne  s'est  point  empesche  pour  vouloir  certifier  les  fideles  de  cela.  Notons  bien  donc,  combien  que  ceste  epistre  porte  le  nom  de  Timothee,  toutesfois  qu'elle  a  este  dediee  a.  toute  l'Eglise  de  Dieu,  afin  qu'auiourduy  elle  nous  serve.  Or  cependant  notons  bien  que  8.  Paul  quand  il  s'appelle  serviteur  de  Iesus  Christ,  monstre  que  toute  l'authorite  qu'il  demande,  n'est  point  comme  si  Oo  le  preferoit  aux  autres,  mais  que  Dieu  soit  exalte  et  obey  en  luy.  Car  de  fait,  ceux  qui  se  portent  fidelement  en  l'Eglise  de  Dieu,  ne  demandent  point  d'usurper  aucune  maistrise  a  eux,  plustost  ils  cherchent  que  Iesus  Christ  ait  luy  seul  toute  preeminence,  qu'on  se  soumette  a  luy,  comme  il  nous  a  este  establi  docteur  de  Dieu  son  Pere,  qu'on  se  tiene  a,  ce  qu'il  dira.  Il  faut  donc  que  toute  hautesse  humaine  s'abbaisse  quand  il  est  question  de  la  dignite  de  nostre  Seigneur  Iesus  Christ,  et  que  ce  qui  a  este  dit  par  Iehan  Baptiste,  soit  accompli,  c'est  ascavoir  que  tous  soyent  diminuez,  et  que  luy  croisse  de  plus  en  plus.  Au  reste,  sainct  Paul  aussi  nous  monstre  que  nostre  foy  ne  doit  point  estre  fondee  sur  les  hommes,  mais  qu'elle  doit  tousiours  avoir  son  but  a  Dieu,  et  a.  celuy  qui  parle  en  son  nom,  ascavoir  a  nostre  Seigneur  Iesus  Christ.  Quand  donc  les  hommes  s'elevent,  et  prenent  un  tel  degre,  qu'ils  voudroyent  qu'on  creust  a  leur  poste,  qu'ils  usurpent  ceste  licence  de  bastir  des  articles,  ils  despouillent  le  Fils  de  Dieu,  ils  luy  ravissent  ce  qui  luy  appartient:  car  c'est  de  luy  seul  que  le  Pere  a  prononce,  qu'on  l'escoute.  Et  s'il  y  a  auiourd'huy  homme  digne  d'estre  escoute,  sainct  Paul  a-il  este  le  moindre?  Or  est-il  ainsi  qu'il  ne  s'est  rien  attribue  quant  a  luy,  mais,  seulement  a  prins  le  nom  de  Iesus  Christ,  d'autant  qu'il  estoit  envoye  de  luy  porter  le  message  qui  luy  estoit  commis.  Et,afin  que  nous  soyons  certifiez  qu'il  ne  s'ingeroit  point  faussement,  il  adiouste  que  c'est  selon  1*