53:6  6  Christ,  selon  la  commission  qui  luy  est  donnee  de  Dieu  nostre  Sauveur,  et  du  Seigneur  Iesus  Christ  nostre  esperance.  Nous  avons  monstre  ci  dessus  traittant  les  epistres  aux  Thessaloniciens,  chap.  2,  13,  que  sainct  Paul  monstre  par  son  exemple  que  nul  ne  doit  estre  escoute  en  l'Eglise  de  Dieu,  sinon  estant  envoye:  car  il  ne  faut  point  que  nostre  foy  soit  attribuee  aux  hommes  mortels,  ni  aux  creatures.  Il  n'y  a  que  Dieu  seul  qui  domine  sur  nos  ames,  et  faut  que  nous  recevions  de  luy  toute  ia  doctrine  de  nostre  salut.  Cependant,  il  ne  descend  pas  du  ciel  en  forme  visible  pour  parler  a  nous,  et  ne  nous  envoye  pas  aussi  ses  anges,  mais  il  veut  que  nous  soyons  enseignez  par  le  moyen  des  hommes.  Pour  ceste  cause,  si  nous  voulons  obeir  a  Dieu,  il  nous  faut  recevoir  sa  Parole  qui  nous  est  preschee  par  ceux  ausquels  il  a  commis  ceste  charge  et  office:  car  ceux  qui  se  vantent  de  vouloir  servir  a  Dieu,  et  cependant  mesprisent  sa  Parole,  sous  ombre  qu'elle  leur  est  apportee  par  la  bouche  des  hommes,  monstrent  bien  qu'il  n'y  a  qu'hypocrisie  en  eux.  Et  de  faict,  il  ne  faut  point  plaider  la  dessus,  puis  que  nous  voyons  que  Dieu  a  establi  cest  ordre,  c'est  ascavoir  qu'il  veut  gouverner  son  Eglise  par  la  predication  de  l'Evangile,  et  qu'il  veut  que  les  hommes  soyent  ministres  de  cela.  Il  faut  que  grans  et  petis  se  rangent  a  ceste  regle  qui  leur  est  donnee,  et  laquelle  sera  ferme  iusques  a  la  fin  du  monde.  Tant  y  a  que  sainct  Paul  se  nommant  Apostre,  a  voulu  ici  declarer  en  premier  lieu,  que  les  hommes  indifferemment  ne  doyvent  pas  estre  escoutez,  sinon  qu'ils  ayent  approbation  qu'ils  parlent  au  nom  de  Dieu  et  de  nostre  Seigneur  Iesus  Christ.  Au  reste,  il  monstre  aussi  que  si  nous  voulons  faire  hommage  a  Dieu,  si  nous  luy  voulons  estre  suiets,  que  nous  devons  recevoir  sa  Parole  quand  elle  nous  est  preschee  par  la  bouche  des  hommes  qu'il  a  envoyez.  1*