52:6  6  de  vita  periclitari  vident.  Ostendit  igitur  adeo  nihil  inde  minui  evangelii  gloriam,  ut  potius  argumentum  sit  confirmationis:  ac  simul  eos  exemplo  suo  incitat,  ut  parati  sint  ad  omnia.  Tandem  brevi  ad  unitatem  et  patientiam  exhortatione  caput  primum  claudit.  Quia  autem  ambitio  fere  perpetua  est  discordiarum  mater,  unde  fit  ut  ianuam  pate*  faciat  novis  et  alienis  doctrinis:  initio  secundi  capitis  vehementius  eos  obtestatur,  ut  nihil  prius  habeant  humilitate  et  modestia.  Ad  id  pluribus  utitur  argumentis.  Et  quo  melius  eos  retineat,  Timotheum  se  illis  brevi  missurum  promittit  :  imo  spem  quoque  facit  sui  adventus.  Postea  excusat  moram  Epaphroditi.  Tertio  capite  in  pseudoapostolos  invehitur,  refellitque  tam  inanes  eorum  iactantias,  quam  circumcisionis  doctrinam  quam  urgebant��  Omnibus  illorum  commentis  opponit  unum  Christum:  arrogantiae,  tam  priorem  suam  vitam  quam  praesens  institutum,  in  quo  relucebat  vera  imago  christianae  pietatis.  Et  hunc  perfectionis  nostrae  scopum  ess��  admonet,  quo  enitendum  sit  tota  vita:  communicationem  habere  cum  Christo  mortis  et  resurrectionis:  suoque  exemplo  id  comprobat.  Quartum  caput  a  particularibus  monitis  incipit:  sed  mox  ad  generalia  descendit.  Epistolam  vero  claudit  suae  erga  Philippenses  gratitudinis  testimonio:  ne  putent  mala  collocatum  quod  ad  sublevandam  eius  inopiam  erogaverant.