51:6  6  hurter  contre  tous  ceux  qui  le  voudroyent  assaillir.  Et  voila  pourquoy  maintenant  S.  Paul  allegue  que  s'il  vouloit  prescher  la  Circoncision,  et  faire  un  tel  meslinge  que  les  seducteurs  pretendoyent  qu'ils  se  pourroyent  exempter  de  toute  fasoherie,  et  que  chacun  luy  applaudiroit,  pour  le  moins  il  ne  seroit  point  ni  persecute  ni  fasche  de  personne:  car  les  Iuifs  se  fussent  aisement  accordez  a  ce  qu'on  eust  presche  Iesus  Christ,  moyennant  qu'ils  eussent  retenu  tousiours  ce  degre  de  primogenitura,  et  que  les  ceremonies  eussent  este  en  usage,  et  que  les  Gentils  eussent  este  comme  des  petis  avortons  pour  se  renger  a  la  queue.  Voila  donc  ce  que  les  Iuifs  eussent  souhaite.  Sainct  Paul  en  cela  leur  pouvoit  bien  complaire,  sinon  qu'il  eust  voulu  servir  a  Dieu  fidelement  et  en  toute  rondeur.  Or  a  l'opposite  sainct  Paul  monstre  que  ceux  qui  taschoyent  a  ruiner  la  doctrine  qu'il  avoit  preschee,  cerchoyent  plus  la  grace  et  amitie  des  hommes,  que  de  s'acquitter  de  leur  devoir.  Nous  voyons  donc  qu'emporte  ceste  sentence  ou  il  dit,  Mes  frereSj  si  ie  preschoye  encore  la  Girconcisiorij  c'est  a  dire  que  ie  m'accordasse  a  faire  un  meslinge,  que  Iesus  Christ  fust  deguise,  et  que  chacun  eust  ce  qu'il  demande,  nul  ne  se  despiteroit  plus  contre  moy:  ie  seroye  le  bien  venu  par  tout,  i'auroye  credit.  Or  maintenant  est-il  vray-semblable  que  ie  vueille  faire  la  guerre  a  tout  le  monde  pour  estre  tormente?  Vous  voyez  donc  en  somme  que  ie  ne  cerche  pas  mon  profit:  car  qui  meut  ces  beaux  docteurs  de  faire  un  tel  meslinge,  comme  on  le  void,  sinon  qu'ils  veulent  gratifier  a  chacun,  et  ne  veulent  point  qu'on  les  fasche  en  sorte  que  ce  soit?  Puis  qu'ils  demandent  leur  repos  et  commodite,  a  bon  droit  ils  vous  doivent  estre  suspects.  Or  maintenant  nous  voyons  ici  d'un  coste  ce  que  i'ay  desia  touche  n'agueres,  c'est  a  scavoir  que  tous  ceux  qui  sont  appelez  de  Dieu  pour  annoncer  sa  parole  se  doivent  resoudre  en  cela,  quand  tout  le  monde  s'esmouvera  contre  eux,  de  ne  point  flechir:  mais  de  soustenir  tous  hurts,  scachans  bien  que  Dieu  les  maintiendra  au  besoin,  et  qu'il  leur  donnera  tousiours  victoire,  moyennant  qu'ils  suyvent  en  pure  simplicite  sa  vocation.  Car  nous  ne  scaurions  faire