49:6  6  vocandi  sint  Iudaei  ad  aemulationem:  ut  ita  Dominus  totum  Israelem  suum  recolligat.  Tria  quae  sequuntur  capita  paraenetica  sunt:  sed  varie  distincta.  Duodecimum  generalibus  praeceptis  christianam  vitam  informat.  Decimum  tertium  bona  ex  parte  in  asserendo  magistratuum  iure  versatur.  Unde  non  dubia  coniectura  colligimus  fuisse  tum  quosdam  inquietos,  qui  libertatem  christianam  stare  non  putarent  nisi  deturbata  civili  po*  testate.  Verum  ne  quid  videretur  imponere  ecclesiae  Paulus  praeter  officia  caritatis,  hanc  quoque  obedientiam  sub  caritate  contineri  indicat.  Postea  subnectit,  quae  nondum  recensuerat,  ad  instruendam  vitam  praecepta.  Proximo  capite  exhortationem  suscipit,  eo  saeculo  in  primis  necessariam.  Nam  quum  essent  qui  superstitione  obstination  insisterent  observationibus  mosaicis,  earum  neglectum  ferre  non  poterant  sine  gravissima  offensione.  Qui  in  earum  abrogatione  confirmati  erant,  ad  convellendam  superstitionem,  data  opera  prae  se  ferebant  earum  contemptum.  Utrique  intemperie  delinquebant.  Nam  superstitiosi  alios  condemnabant,  seu  divinae  legis  contemptores:  hi  vicissim  intempestive  illorum  simplicitatem  illudebant.  Ergo  convenientem  utrisque  moderationem  apostolus  adhibet:  arcens  hos  quidem  a  fastu  et  insultatione:  illos,  a  morositate  nimia.  Simul  optimam  rationem  praescribit  libertatis  christianae,  ut  intra  caritatis  et  aedificationis  terminos  consistat:  et  imbecillis  probe  consulit,  dum  vetat  quidpiam  attentare  reluctante  conscientia.  Decimum  quintum  incipit  a  repetitione  generalis  sententiae,  veluti  totius  disputationis  clausula:  ut  fortiores  robur  suum  conferant  ad  confirmandos  imbecilles.  Quoniam  autem  ex  caeremoniis  mosaicis  perpetuum  dissidium  inter  Iudaeos  ac  gentes  serebatur,  componit  omnem  inter  eos  aemulationem,  sublata  superbiendi  materia.  Docet  enim  utrisque  constare  salutem  sola  Dei  misericordia:  qua  subnixi  omnem  altitudinem  deponere  :  qua  inter  se  coniuncti  in  spe  unius  haereditatis  ultro  citroque  se  amplexari  debeant.  Postremo  in  apostolatus  sui  commendationem  digredi  volens,  quae  non  parum  autoritatis  eius  doctrinae  conciliabat,  occasionem  sumit  ab  excusatione  et  deprecatione  temeritatis,  quod  sibi  tam  confidenter  locum  doctoris  sumpsisset  inter  eos.  Praeterea  spem  adventus  hui  nonnullam  facit,  quam  se  hactenus  frustra  expetiisse  et  tentasse,  in  exordio  meminerat:  idque  facit  addita  ratione  quae  ipsum  in  praesens  remoretur:  nempe  quia  sibi  ab  ecclesiis  macedonius  et  achaicis  cura  demandata  erat  perferendae  Ierosolymam  eleemosynae,  quam  ad  sublevandam  fidelium  qui  illic  erant  egestatem  contulerant.  Postremum  caput  totum  fere  salutationibus  absumitur  :  nisi  quod  praeceptis  quibusdam  non  contemnendis  aspersum  egregia  precatione  clauditur.  5  6