47:6  6  evangelista,  et  primum  quidem  admonet,  lucem,  qua  initio  donati  fuerant  homines,  non  esse  ex  praesenti  eorum  statu  aestimandam  :  quia  in  hac  vitiata  et  degenere  natura  lux  in  tenebras  versa  fuerit.  Interea  tamen  negat  prorsus  exstinctam  esse  intelligentiae  lucem:  quia  in  obscura  humanae  mentis  caligine  adhuc  quaedam  fulgoris  scintillae  emicant.  Nunc  intelligunt  lectores  duo  esse  huius  sententiae  membra.  Nam  multum  distare  nunc  homines  dicit  ab  integra  illa  natura,  qua  initio  praediti  fuerant:  mentem  enim  eorum,  quae  lucida  omni  ex  parte  esse  debebat,  tenebris  immersam  misere  caecutire.  Itaque  glormm  Christi  in  hac  naturae  corruptione  esse  quasi  obtenebratam.  Sed  rursus  contendit  evangelista  in  mediis  tenebris  adhuc  quasdam  exstare  lucis  reliquias,  quae  divinam  Christi  virtutem  aliquatenus  ostendant.  Ergo  fatetur  evangelista  mentem  hominis  excaecatam  esse:  ut  merito  censeatur  tenebris  oppressa.  Poterat  enim  mitiore  verbo  uti,  ac  dicere  obscuram  vel  caliginosam  esse  lucem:  sed  clarius  exprimere  voluit  quam  misera  sit  post  primi  hominis  lapsum  nostra  conditio.  Quod  vero  lucem  in  tenebris  lucere  affirmat,  id  ad  naturae  corruptae  laudem  minime  pertinet,  sed  potius  ad  tollendum  ignorantiae  praetextum.  Et  tenebrae  eam  non  comprehenderunt.  Quamvis  exigua  hac  luce,  quae  nobis  residui  est,  semper  ad  se  invitaverit  homines  filius  Dei,  dicit  tamen  evangelista  nullo  profectu  hoc  esse  factum,  quia  videndo  non  viderint.  Ex  quo  enim  alienatus  fuit  homo  a  Deo,  sic  ignorantia  mentem  eius  oppressam  tenet,  ut  quidquid  lucis  in  ea  restat,  sine  effectu  iaceat  suffocatum.  Et  hoc  quotidie  experientia  probat.  Quicunque  enim  spiritu  Dei  non  sunt  regeniti,  quum  ratione  aliqua  polleant,  certo  documento  sunt,  hominem  non  tantum  ut  spiret  esse  conditum,  sed  ut  intelligat.  Caeterum  ab  eo  rationis  suae  ductu  ad  Deum  non  perveniunt,  ac  ne  accedunt  quidem  :  ut  tota  eorum  intelligentia  nihil  tandem  sit  quam  mera  vanitas.  Unde  sequitur  de  hominum  salute  actum  esse,  nisi  novo  auxilio  Deus  succurrat:  quia  quum  lumen  in  eos  suum  effundat  Dei  filius,  sunt  tamen  eo  usque  hebetes,  ut  unde  sit  lumen  istud,  non  comprehendant:  sed  deliriis  et  pravis  imaginationibus  abrepti  prorsus  desipiunt.  Duae  sunt  praecipuae  luminis  partes,  quod  adhuc  in  corrupta  natura  residet.  Nam  omnibus  ingenitum  est  aliquod  religionis  semen  :  deinde  insculptum  est  eorum  conscientiis  boni  et  mali  discrimen.  Sed  qui  tandem  inde  fructus  emergunt,  nisi  quod  religio  in  mille  superstitionum  portenta  degenerat,  conscientia  autem  iudicium  omne  pervertit,  ut  vitium  cum  virtute  confundat?  In  summa,  nunquam  naturalis  ratio  homines  ad  Christum  diriget.  Iam  quod  prudentia  ad  regendam  vitam  instructi  sunt,  quod  ad  praeclaras  artes  ac  disciplinas  nati,  id  quoque  totum  1*  5  6