46:6  6  Voyci  donc  une  comparaison  qui  est  faite  par  sainct  Luc,  c'est  que  plusieurs  se  sont  avancee  d'escrire  et  de  faire  recit  comme  bon  lem  a  semble:  mais  qu'il  est  besoin  que  nous  ayons  un  tesmoignage  qui  soit  sans  doute,  sans  difficulte  ne  contredit.  Et  comment  pourrons  nous  estre  ainsi  asseurez?  C'est  (dit-il)  qu'il  n'eserira  rien  qui  ne  soit  tout  cognu  et  certifie,  pource  qu'il  le  tient  des  Apostres,  lesquels  ont  veu  le  tout  a  l'oeil,  d'autant  qu'ils  ont  converse  en  ce  monde  avec  le  Fils  de  Dieu,  et  ont  eu  tesmoignage  de  sa  resurrection,  et  l'ont  veu  monter  au  ciel.  Mais  le  principal  est,  qu'ils  sont  ministres  (dit-il)  de  la  parole:  c'est  a  dire,  qu'ils  ont  este  ordonnez  de  Dieu  comme  ses  notaires  autentiques,  ausquels  il  n'est  point  licite  de  deroguer  foy  aucunement.  Or  maintenant  donc  nous  voyons  comme  Dieu  non  seulement  nous  a  voulu  retenir  en  la  pure  doctrine  de  l'Evangile,  et  nous  a  donne  le  moyen  qu'il  a  cognu  estre  propre  et  expedient  pour  cela:  mais  aussi  qu'il  nous  a  voulu  asseurer,  afin  que  nous  ne  chancelions  point,  que  nous  ne  soyons  point  comme  roseaux  branlans  a  tous  vents,  mais  que  nous  ayons  une  foy  asseuree.  Or  quant  a  ceste  certitude  de  foy,  c'est  une  chose  que  nous  avons  bien  a  noter:  et  d'autant  plus  que  nous  voyons  que  le  diable  a  abbruve  le  monde  de  ceste  fantasie  meschante  et  maudite,  que  c'est  assez  de  croire  tellement  quellement  d'une  foy  enveloppee,  comme  en  la  Papaute.  Il  est  vray  que  de  prime  face  chacun  dira  qu'il  faut  croire,  et  croire  a,  bon  escient,  et  estre  resolu:  mais  il  n'y  a  celuy  qui  examine  son  coeur,  pour  scavoir  s'il  est  bien  enracine  en  la  verite  de  Dieu.  Ainsi  au  lieu  de  foy,  il  n'y  a  qu'une  opinion  volage,  que  chacun  dira,  Et  bien,  ie  croy  tout  ce  qui  est  contenu  en  la  Loy,  aux  Prophetes,  et  en  l'Evangile.  Mais  apres  avoir  fait  une  telle  protestation  de  bouche,  on  verra  que  la  moindre  tentation  du  monde  descouvre  qu'il  n'y  a  eu  qu'incredulite  en  ceux  qui  parloyent  ainsi.  Apprenons  donc  que  c'est  de  foy,  c'est  ascavoir  une  ferme  persuasion  que  nous  avons  de  la  verite  de  Dieu,  voire  une  verite,  laquelle  nous  conduit  a  la  vie  celeste.  Or  nostre  foy  ne  regarde  point  en  general  toutes  choses,  mais  elle  regarde  Dieu,  afin  de  l'avoir  pour  Pere:  et  le  regarde  en  la  personne  de  nostre  Seigneur  Iesus,  afin  que  nous  l'ayons  pour  nostre  Roy,  qu'il  nous  gouverne,  et  nous  ait  en  sa  protection:  et  puis,  qu'il  nous  purge  et  nettoye,  et  nous  rende  agreables  a  Dieu  son  Pere:  et  pour  Prophete,  afin  que  nous  soyons  enseignez  de  luy.  Voyla  donc  comme  nostre  foy  regarde  a  ce  qui  appartient  a  nous  conduire  au  royaume  des  cieux.  Or  maintenant  (comme  i'ay  desia  dit)  ii  faut  que  nous  ayons  une  ferme  resolution  de  la  verite  que  Dieu  nous  declare:  et  que  non  seulement  5  6