45:6  eius  custodiam  suscipiat:  quas  etiam  partes  Paulus  suo  Timotheo  iniungit  et  commendat  secundae  epistolae  primo  capite  v.  14  et  tertio  v.  14.  1.  Quoniam  complures.  Videtur  pro  causa  scribendi  ponere,  quod  potius  illum  a  scribendo  revocare  debuerat:  historiam  enim  a  multis  tractatam  retexere,  superfluus  erat  labor,  siquidem  illi  probe  in  suo  officio  versati  fuerant.  Atqui  eos  ne  uno  quidem  verbo  vel  fraudis,  vel  negligentiae,  vel  cuiuspiam  vitii  insimulat:  ergo  perinde  est  ac  si  actum  se  velle  agere  dicat.  Respondeo,  quamvis  aliis  parcat  qui  prius  scripserant,  non  tamen  penitus  eorum  laborem  probare.  Non  exprimit,  illos  de  rebus  parum  compertis  scripsisse,  sed  rerum  certitudinem  sibi  vindicans  modeste  certam  illis  et  indubiam  fidem  derogat.  Si  quis  obiiciat,  debuisse  potius  acriter  invehi,  si  fallebant,  iterum  respondeo,  fieri  posse  ut  leviter  peccarint,  idque  inconsiderato  zelo  potius  quam  malitia,  ac  proinde  non  fuisse  causam,  cur  vehementius  in  eos  insurgeret.  Et  certe  credibile  est,  fuisse  quaedam  tantum  praeludia,  quae  tunc  non  tantopere  noxia,  nisi  mature  obviani  itum  esset,  fidem  in  posterum  gravius  laesissent^  Caeterum  operae  pretium  est  notare,  Deum,  qui  superfluis  scriptionibus  remedium  hoc  per  Lucam  adhibuit,  admirabili  etiam  consilio  fecisse,  ut  aliis  publico  consensu  repudiatis  fidem  obtinuerint  istae  solae,  in  quibus  liquido  refulget  veneranda  eius  maiestas.  Quo  minus  tolerabilis  est  eorum  vecordia,  qui  putidas  fabulas  sub  Nicodemi  vel  cuiuspiam  alterius  titulo  nunc  orbi  obtrudunt.  Certae  sunt  inter  nos  fidei.  Participium,  quo  utitur  Lucas,  significat  res  probe  compertas  et  quae  dubitatione  carent.  In  quo  non  semel  deceptus  fuit  vetus  interpres,  hacque  inscitia  pulcherrimos  quosdam  locos  nobis  corrupit:  in  quibus  est  ille  Pauli  (Rom.  14,  5),  ubi  quemque  suae  mentis  certum  esse  iubet,  ne  conscientia  dubiis  opinionibus  huc  illuc  agitata  fluctuet  ac  vacillet.  Inde  etiam  descendit  nomen  nXripocpopiac,  quam  male  plenitudinem  vertit,  quum  firma  sit  ex  fide  persuasio,  in  qua  piae  mentes  tuto  acquiescunt.  Subest  autem  tacita  antithesis,  ut  admonui:  quia  sibi  fidi  testis