42:6  l'emporte.  Or  des  qu'il  est  trespasse,  tous  ses  gents  sont  acharnes  a  la  proie,  vray  est  qu'il  font  bien  semblant  de  s'accorder  par  ensemble,  et  mesmes  il  y  en  eust  encores  quelque  ordre  et  quelque  reverence,  car  ils  accorderent  que  le  frere  d'Alexandre,  Arideus  domineroit  iusques  a  tant  que  les  enfans  d'Alexandre,  a  scavoir  Hercules  qui  estoit  desia  nai,  et  celuy  qui  devoit  venir  de  la  fille  de  Darius,  que  ceux  la  fussent  grands,  et  que  les  autres  seroient  cependant  tuteurs,  que  le  frere  (combien  qu'il  fust  roy)  neantmoins  il  seroit  la  pour  rendre  le  royaume  aux  enfans,  et  qu'il  le  gouverneroit  seulement  au  nom  de  tutelle.  Or  cependant  les  capitaines  se  saisissent,  l'un  de  l'armee,  l'autre  des  thresors,  et  puis  les  provinces  sont  usurpees  par  eux,  cependant  il  y  ha  le  plus  grand,  auquel  Alexandre  mesmes  devant  que  mourir  avoit  donne  son  cachet,  celuy  la  avoit  este  donne  pour  consellier  et  comme  conducteur,  au  frere  Arideus  pour  ce  qu'il  avoit  le  cerveau  un  peu  debile:  cela  fait  ils  commencent  la  bataille  les  uns  contre  les  autres.  Or  en  ces  combats  ici  nous  avons  a  noter  en  premier  lieu,  la  punition  qui  est  avenue  sur  la  maison  d'Alexandre  le  grand,  il  avoit  encores  sa  mere  vivante,  il  avoit  aussi  une  soeur,  un  enfant  nay,  et  un  autre  qui  nasquit  apres  sa  mort,  et  son  frere  aussi  pareillement.  Or  il  faut  que  toute  cette  race  soit  exterminee,  II  est  vray  que  la  mere  veit  encores  quelque  espace  de  temps  apres,  mais  la  seur  est  tuee,  la  mere  pareillement  sur  son  vieil  aage,  a  cause  de  son  orgueil  et  de  sa  fierte,  et  mesmes  de  sa  cruaute  qu'elle  avoit  espandu  tout  plain  de  sang,  apres  femme,  et  enfans,  il  n'y  a  rien  qui  demeure  que  tout  ne  soit  tue.  Et  par  qui  cela  se  fait  il?  par  les  capitaines  d'Alexandre,  ceux:  qui  avoient  este  nourris  en  la  maison  de  son  pere  et  en  la  sienne,  ceux  qui  le  tenoient  comme  leur  pere,  ceux  qu'il  avoit  entretenus  si  delicatemenfc  que  rien  plus,  qu'il  les  tenoit  comme  ses  compagnons  ce  sont  ceux  la  qui  font  un  tel  massacre  en  sa  maison,  dira  on  que  ceci  soit  advenu  a  l'adventure?  voila  une  maison  qui  ha  produit  un  brigand  qui  ne  demandoit  qu'effusion  du  sang  humain,  voila  un  homme  qui  ha  este  cause  de  la  mort  d'un  milion  de  personnes,  ou  environ,  car  il  ha  defait  de  merveilleuses  armees  (comme  desia  nous  avons  dit)  ce  n'estoit  point  peu  de  veoir  de  six  a  sept  cents  mille  hommes  de  faire  une  telle  desconfiture,  il  falloit  bien  qu'il  y  eust  un  terrible  deluge  quand  il  assuiettist  tant  de  roys  et  tant  de  peuples,  il  y  avoit  tant  de  sang  espandu  qu'il  sembloit  qu'il  vousist  changer  la  couleur  de  la  terre.  Ainsi  donc  il  faut  que  cette  maison  qui  avoit  produit  un  tel  brigand  soit  ruinee,  et  que  on  connoisse  l'escriture  estre  accomplie  en  cela,  qu'un  homme  de  sang  ne  pourra  point  prolonger  ses  iours  que  Dieu  ne  l'extermine.  5  6