4:6  voyla  pourquoy  il  est  souvent  nomme  Eau,  comme  en  Isaie,  Vous  tous  qui  avez  soif,  venez  aux  eaux.  Item,  1'espandray  de  mon  Esprit  sur  celle  qui  a  soif,  et  feray  couler  les  rivieres  sur  la  terre  seche  (Is.  55,  1;  44,  3).  A  quoy  respond  la  sentence  de  Iesus  Christ,  que  i'ay  n'agueres  alleguee,  Si  quelqu'un  a  soif,  qu'il  vienne  a  moy  (Iean  7,  37).  Combien  qu'il  est  aucunefois  !)  marque  de  ce  nom,  pour  la  force  qu'il  a  de  purger  et  nettoyer:  comme  en  Ezechiel,  ou  Dieu  promet  des  eaux  pures  pour  laver  toutes  les  souilleures  de  son  peuple  (Ezech.  36,  25).  Or  pource  qu'en  nous  arrousant  de  la  liqueur  de  sa  grace,  il  nous  restaure  en  vigueur  et  nous  refocille:  de  cest  effect  aussi  le  nom  d'Huylle  et  d'Onction  luy  est  donne  (1  Iean  2,  20.  27).  D'autrepart,  pource  qu'en  nous  recuysant,2)  et  bruslant  nos  concupiscences  vicieuses,  qui  sont3)  comme  superfluitez  et  ordures,  il  enflambe  nos  coeurs  en  l'amour  de  Dieu,  et  en  affection  de  le  servir:  pour  ceste  raison  il  est  a  bon  droict  intitule  Feu  (Luc  3,  16).  En  somme,  il  nous  est  propose  comme  la  seule  fontaine  dont  toutes  richesses  celestes  decoulent  sur  nous,  ou  bien  comme  la  main  de  Dieu  par  laquelle  il  exerce  sa  vertu  (Iean  4,  14).  Car  c'est  par  son  inspiration  que  nous  sommes  regenerez  en  vie  celeste,  afin  de  n'estre  plus  poussez  ou  conduits  de  nous,  mais  estre  gouvernez  par  son  mouvement  et  operation:  tellement  que  s'il  y  a  quelque  bien  en  nous,  ce  n'est  seulement  que  du  fruict  de  sa  grace:  et  sans  luy  tout  le  beau  lustre  de  vertu  que  nous  avons  n'est  rien,  pource  qu'il  n'y  a  qu'aveuglement  d'esprit  et  perversite  de  coeur.  Cela  a  bien  este  desia  clerement4)  expose,  que  Iesus  Christ  nous  est  comme  oisif,  iusqu'a  ce  que  nous  le  conioignions  avec  son  Esprit  pour  nous  y  adresser:  pource  que  sans  ce  bien  nous  ne  faisons  que  regarder  Iesus  Christ  de  loin  et  hors  nous,  voire  d'une  froide  speculation.  Or  nous  savons  qu'il  ne  profite  sinon  a  ceux  desquels  il  est  chef  et  frere  premier  nay,  mesmes  qui  sont  vestus  de  luy  (Ephes.  4,  15;  Rom.  8,  29;  Gal.  3,  27).  Ceste  seule  conionction  fait  qu'il  ne  soit  point  venu  vain  et  inutile,  quant  a  nous,  avec  le  nom  de  Sauveur.  A  ce  mesme  but  tend  le  mariage  sacre,  par  lequel  nous  sommes  faits  chair  de  sa  chair  et  os  de  ses  os,  voire  un  avec  luy  (Ephes.  5,  30).  Or  il  ne  s'unit  avec  nous  que  par  son  Esprit,  et  par  la  grace  et  vertu  d'iceluy  il  nous  fait  ses  membres,  pour  nous  retenir  a  soy,  et  pour  estre  mutuellement  possede  de  nous.  4.  Mais  pource  que  la  foy  est  son  principal  chef  d'oeuvre,  la  pluspart  de  ce  que  nous  lisons  en  1)  1562:  aucunesfois.  2)  nous  recuysant,  le  latin:  excoquendo.  3)  qui  sont  .  .  .  .  ordures,  n'est  pas  dans  le  latin.  4)  1561:  clairement.  1*