39:6  6  esset  in  exsilium,  et  urbs  capta  esset  ac  direpta  ab  hostibus.  Nunc  sequitur,  6.  Et  dixit  Ieremias,  Fuit  sermo  Iehovae  ad  me  dicendo:  7.  Ecce  Chanameel  filius  Bellum  patrui  tui  venit  ad  te  (aut  venturus  est  ad  te),  qui  dicet,  Eme  tibi  agrum  meum  qui  est  in  Anathoth:  quia  tibi  ius  affinitatis  (vertunt,  ius  redemptionis,  sed  redemptio  illa  refertur  ad  affinitatem,  vel  cognationem,  ius  igitur  cognationis),  ad  emendum.  8.  Et  venit  ad  me  Chanameel  filius  patrui  mei,  sicuti  loquutus  fuerat  Iehovah,  ad  atrium  custodiae,  et  dixit  mihi,  Eme,  agedum,  agrum  meum  qui  est  in  Anathoth,  quod  oppidum  est  in  terra  Beniamin,  quia  tibi  ius  haereditatis  (vel  possessionis  :  WV  significat  proprie  haereditario  iure  possidere),  et  tibi  redemptio:  eme  tibi:  tunc  cognovi  quod  hic  esset  sermo  Iehovae.  9.  Et  emi  agrum  ab  Chanameel  filio  pairui  mei  qui  erat  in  Anathoth,  et  appendi  ei  pecuniam,  septem  siclos,  et  decem  nummos  argenteos.  10.  Et  scripsi  in  libro,  et  obsignavi:  et  contestatus  sum  testes,  et  appendi  pecuniam  in  statera  (vel,  in  lancibus:  est  in  auribus:  sed  metaphorice  trutinam  in  duali  numero  vocant  aures).  11.  Et  sumpsi  librum  emptionis  obsignatum  ex  praescripto,  et  ritu,  (vel,  more,  vel  statuto),  et  apertum.  12.  Et  dedi  librum  emptionis  Baruch  filio  Neriae  filii  Maassiae  coram  oculis  Chanameel  patruelis  mei,  et  coram  oculis  testium,  qui  scripti  erant  in  libro  emptionis,  coram  oculis  omnium  Iudaeorum  qui  sedebant  in  atrio  custodiae:  13.  Et  praecepi  Baruch  coram  oculis  ipsorum,  dicendo,  14.  Sic  dicit  Iehovah  exercituum  Deus  Israel,  Sume  libros  istos,  librum  emptionis  hunc  et  obsignatum,  et  librum  apertum  (hoc  est,  tam  obsignatum,  quam  apertum  hunc  librum),  et  pone  eos  in  vase  testaceo,  ut  perstent  ad  multos  dies.  (Nunc  sequitur  applicatio  visionis.)  15.  Quia  sic  dicit  Iehovah  exercituum  Deus  Israel,  Adhuc  ement  domos,  et  agros,  et  vineas  in  terra  hac.  Haec  omnia  legenda  fuerunt  uno  contextu,  quia  longo  sermone  exponit  propheta  quomodo,  vel  quo  symbolo  obsignatum  fuerit  vaticinium.  Summa  autem  huc  tendit,  postquam  multum  temporis  transactum  fuerit,  redituros  esse  Iudaeos  in  patriam,  quia  eos  Deus  restituet,  ac  finem  accipiet  eorum  captivitas.  Spem  ergo  liberationis  illis  dare  voluit  Deus:  sed  interea  admoniti  fuerunt  ut  patienter  exspectarent  finem  exsilii  sui.  Nunc  veniendum  est  ad  externum  symbolum:  Iussus  est  propheta  5