38:6  bris,  vel  excaecati  suis  cupiditatibus,  ut  cupiant  fallere  Deum:  sed  fallunt  se  ipsos.  Haec  igitur  causa  est,  cur  nulla  poenitentia  tangantur,  quos  Deus  corripit  et  castigat.  Ubi  scilicet  sponte  caecutiunt,  vel  claudunt  oculos  et  obturant  aures,  et  volunt  decipi  a  diabolo:  qui  non  attendunt  ad  sanctas  admonitiones,  quae  illis  destinatae  erant  in  salutem.  Ergo  si  cupimus  sanari  a  vitiis  nostris,  semper  incipiendum  est  ab  hac  parte,  nempe  ut  excutiamus  sedulo  et  cogitationes  nostras  et  studia,  et  non  placeamus  nobis,  neque  fallamus  inanibus  blanditiis:  sed  appetamus  excutere  quidquid  in  nobis  est  reprehensione  dignum  aut  vitiosum.  Hoc  est  principium  verae  poenitentiae,  discutere  omnes  fraudes  et  fallacias,  et  appetere  claram  lucem  quae  nobis  retegat  mala  nostra.  Postea  sequitur,  6.  Attendi,  et  audivi:  non  loquentur  recte,  nemo  est  quem  poeniteat  (ad  verbum,  non  vir  poenitens  super  malo  suo:  sed  sensus  clarior  est,  nemo  est  quem  poeniteat)  malitiae  suae,  dicendo,  Quid  feci?  omnis  vertitur  (ad  verbum,  pro,  omnes  vertuntur)  ad  cursus  suos,  sicut  equus  ruit  (ad  verbum,  inundat:  sed  metaphorica  est  loquutio.  Sicuti  ergo  equus  praeceps  ruit)  in  proelium.  Possent  haec  verba  accipi  in  persona  ipsius  Dei,  quod  scilicet  e  coelo  expenderit  qualis  esset  populi  status.  Sed  commode  hoc  exponitur  de  propheta:  fuerat  enim  quasi  in  specula  positus,  ut  observaret  qualiter  se  gereret  populus  cum  Deo:  iam  testatur,  postquam  perspexit  eorum  studia  et  actiones,  nihil  se  vidisse  rectum.  His  verbis  debuit  populus  magis  affici.  Scimus  enim  quam  proclives  simus  natura  ad  captandos  praetextus,  ubi  volumus  in  faece  nostra  manere  quieti.  Ita  maior  pars  obiicere  plerumque  solet,  O,  tu  me  reprehendis,  sed  temere:  nescis  quid  sit  in  animo  meo.  Ergo  dicit  propheta  se  diligenter  reputasse  qualis  esset  populus,  et  se  loqui  de  re  probe  cognita  et  perspecta:  Audivi,  inquit,  et  attendi:  sed  non  loquuntur  rectum.  Significat  hoc  verbo  tantum  abesse  Iudaeos  a  vero  et  pleno  effectu  poenitentiae,  ut  ne  ipsam  quidem  ore  profiteantur.  Minus  est  fateri  sua  vitia  quam  re  ipsa  corrigere:  atqui  propheta  dicit  ne  ipsos  quidem  loqui  quod  rectum  est  Hinc  sequitur  multum  abesse  a  serio  poenitentiae  studio,  quum  linguis  etiam  suis  ita  proterviant,  vel  saltem  non  ostendant  ullum  tristitiae  signum.  Postea  addit,  neminem  esse  quem  poeniteat,  dicendo.  Hoc  membrum  expositive  additur,  quia  clarius  demonstrat  Ieremias,  eos  non  loqui  rectum,  quoniam  non  dicant,  Quid  feci  ?  Primo  autem  dicit,  neminem  esse,  quem  poeniteat  suae  malitiae:  postea  ostendit  hoc  primo  requiri  ad  poenitentiam,  ut  peccator  se  ipsum  ad  rationem  vocet:  quia  ubi  securi  desidemus  in  malis  nostris,  1*