35:6  cependant  si  nous  faut-il  revenir  a  ce  qui  est  traitte  au  second  chapitre  des  Romains  (v.  14.  15)  que  Dieu  a  enregistre  en  nos  consciences  une  certitude  telle,  que  nous  ne  pouvons  point  effacer  la  cognoissance  que  nous  avons  du  bien  et  du  mal.  Chacun  n'aura  pas  ce  que  nous  oyons  aux  trois  amis  de  Iob:  mais  tant  y  a  que  nous  ne  trouverons  iamais  homme  si  rude  ne  si  barbare,  qui  n'ait  encores  quelque  remors  en  soi,  qui  ne  sache  qu'il  y  a  quelque  Dieu,  et  qui  n'ait  quelque  discretion  pour  condamner  le  mal,  et  approuver  le  bien.  Ce  sont  donc  des  traces  que  Dieu  a  laisse  au  coeur  des  plus  ignorans,  a  fin  que  les  hommes  ne  se  puissent  couvrir  d'aucune  excuse,  mais  qu'ils  soyent  condamnez  par  le  procez  qu'ils  auront  la��  dedans  cache.  Et  cependant  notons  que  c'est  folie  que  les  hommes  ayent  combatu  contre  Dieu  pour  soustenir  la  doctrine  laquelle  avoit  regne  entre  eux.  Car  comment  est-il  possible,  veu  que  la  cognoissance  de  Dieu  reluisoit  si  claire  au  monde  (comme  nous  avons  veu  par  cy  devant)  que  tous  en  pouvoyent  estre  esclairez,  qu'ils  se  soyent  adonnez  a  une  brutalite  si  lourde  d'adorer  les  bois  et  les  pierres,  d'adorer  le  soleil  et  la  lune,  qu'ils  en  ayent  fait  des  marmosets,  et  n'ayent  plus  cognu  que  c'estoit  du  Dieu  vivant?  Comment  cela  a-il  peu  advenir?  Car  c'est  autant  comme  si  un  homme  en  plein  midi  s'alloit  heurter  a  son  escient,  et  qu'un  yvrongne  se  fourvoyast,  combien  que  devant  ses  yeux  il  vist  le  droit  chemin.  Nous  voyons  donc  que  les  hommes  ne  se  sont  point  desbauchez  par  simplicite,  mais  qu'ils  ont  despite  Dieu  par  certaine  malice:  pourtant  notons-le  bien,  a  fin  que  nous  ne  recourions  plus  a  ces  subterfuges  accoustumez,  pour  dire,  O  voila,  si  les  hommes  sont  tellement  esblouis  qu'ils  ne  cognoissent  point  que  c'est  de  Dieu,  cela  ne  leur  doit-ii  point  servir  d'excuse?  Au  contraire  quand  aucuns  allegueront  cecy,  prenons  pour  response  ce  qui  est  dit  en  sainct  Iean  (1,  5),  Que  la  clarte  a  tousiours  luit  en  tenebres,  et  nous  le  voyons  par  l'exemple  present:  car  il  eust  este  impossible  que  les  hommes  se  fussent  ainsi  esgarez  en  des  superstitions  si  lourdes  et  enormes,  s'ils  ne  s'y  fussent  iettez  de  leur  bon  gre.  Il  y  a  eu  donc  de  la  malice  et  de  la  rebellion  avec  l'ignorance,  quand  les  hommes  ont  delaisse  le  droit  chemin  de  salut,  et  se  sont  adonnez  a  leurs  idoles.  Voila  ce  que  nous  avons  a  retenir.  Et  c'est  a  fin  que  nous  soyons  tant  plus  attentifs  a.  cheminer,  cependant  que  la  clarte  nous  dure.  I'ay  desia  dit,  que  si  Dieu  nous  fait  la  grace  de  nous  monstrer  le  chemin,  il  nous  faut  haster,  et  n'est  point  question  de  dormir,  et  tant  moins  de  fermer  les  yeux  a  nostre  escient.  Auiourd'huy  nous  voyons  comme  une  obscurite  grande  qui  domine  sur  la  plus  part  du  monde:  les  povres  Pa-  1*