30:6  6  deinde  non  fuisse  tamen  diuturnum  illud  beneficium,  quod  regnum  illud  cuius  malum  initium  fuerat  oporteret  aboleri.  Tandem  etiam  videbimus,  quomodo  paulatim  Saul  a  Domino  defecerit,  et  vicissim  a  Deo  sit  derelictus,  donec  pessimus  tandem  ipsius  exitus  fuerit.  Nam  in  praelio  cecidit,  caeso  fugatoque  populo,  ut  in  summum  discrimem  adductae  populi  res  viderentur,  quod  non  modo  misere  ad  idololatriam  defecisset,  sed  tanquam  nefarius  incantator,  a  diabolo  consilium  exquisiisset:  et  Deo  ipsi  in  Samuelis  persona  restitisset.  Summa  igitur  Saulis  infidelitas,  quam  sequuta  est  insignis  rebellio,  deinceps  describetur,  et  tandem  etiam  divinum  iudicium  sequetur,  quae  suis  locis  ordine  singula  describentur  et  explicabuntur.  Nunc  ista  expendamus,  Saul  filius  unius  anni  erat,  quum  regnare  coepisset,  et  regnavit  duobus  annis.  Observanda  phrasis  Hebraea.  Filius  unius  anni,  pro  Saul  annum  regnaveret,  et  alias  apud  Mosen,  Adamus  erat  filius  octingentorum  annorum,  Noachus  erat  filius  quingentorum  annorum.  Itaque  tempus  tantum  designatur  regni  Saulis:  quod  vero  sequitur,  regnavit  duobus  annis,  quosdam  interpretes  multum  torsit,  quod  diutius  Saulem  regnasse  certum  sit.  Et  nominatim  etiam  in  Actis  apostolicis  dicitur  annos  quadraginta  regnasse.  Quinam  igitur  ista  inter  se  convenient?  Quidam  igitur  haec  volunt  per  quandam  similitudinem  dicta  fuisse,  ut  dicatur  filius  unius  anni  fuisse,  quum  regnare  coepisset,  ad  tantam  eius  simplicitatem  notandam,  ut  unius  anni  infans  videretur.  Et  notum  illud  Domini  nostri  praeceptum,  nos  nisi  infantibus  similes  fuerimus,  in  regnum  coelorum  non  posse  intrare.  Quibus  verbis  omnem  ambitionem,  malitiam,  dolos,  fraudes  et  vitia  quibus  obnoxii  sunt  homines  iam  viri  facti,  Dominus  condemnat.  Quidam  igitur  existimant  Sauli  laudi  duci,  quum  dicitur  filius  anni  fuisse,  quasi  fuisset  sine  dolo  et  malitia,  et  angelicam  perfectionem  esset  assequutus,  atque  ingenium  docile  et  mansuetum  habuisset,  ad  placide  audiendum,  et  se  docilem  praebendum.  Quae  sane  vera  sunt  omnia.  Nam  antea  vidimus  non  exsultasse  ipsum,  neque  elatum  fuisse,  licet  iam  electus,  *  1*