29:6  6  les  hommes  s'endurcissent  en  se  flattant,  quand  il  ne  les  punit  pas  du  premier  coup.  Advisons  donc  a  nous:  car  si  nous  avons  offense  Dieu,  encores  que  du  premier  iour  il  n'ait  point  la  main  levee  pour  nous  chastier,  que  cela  ne  soit  point  cause  de  nous  faire  endormir:  prevenons  (di-ie)  la  vengeance  de  nostre  Dieu:  car  s'il  est  patient,  et  qu'il  nous  supporte,  cela  est  pour  nous  attirer  par  sa  bonte  et  douceur*  comme  S.  Paul  le  declaire  au  deuxiesme  des  Romains.  Selon  donc  que  Dieu  nous  espargne,  que  nous  soyons  admonnestez  de  retourner  k  luy,  et  que  cela  nous  face  honte  d'avoir  un  si  bon  pere,  et  que  nous  luy  soyons  ainsi  rebelles:  mais  cependant  si  nous  croupissons  en  nos  ordures,  et  que  nous  adioustions  un  mal  sur  l'autre,  et  qu'il  n'y  ait  ne  fin  ne  mesure  en  nos  transgressions:  si  faut-il  que  Dieu  execute  ce  qu'il  a  ici  prononce  par  Moyse,  c'est  qu'il  eachera  sa  face,  c'est  a  dire,  qu'apres  avoir  eu  le  soin  de  nostre  salut,  apres  avoir  continue  a  nous  bien  faire,  qu'il  nous  laissera  la,  et  qu'il  nous  monstrera  qu'il  n'est  plus  oblige  a  nous:  et  combien  qu'il  nous  ait  espargnez,  que  ce  n'est  pas  a  dire  que  tousiours  il  nous  doive  porter  en  nos  malefices.  Craignons  donc  ceste  menace:  et  cependant  que  Dieu  nous  fait  sentir  qu'il  nous  regarde  en  pitie,  que  nous  cheminions  comme  devant  ses  yeux,  qu'il  nous  soit  tousiours  present,  qu'en  toutes  nos  pensees,  nos  parolles  et  nos  oeuvres  nous  regardions  a  luy.  Or  cependant  nous  avons  a  noter  que  Dieu  ne  cache  point  ses  yeux  tellement,  qu'il  ne  voye  et  qu'il  ne  marque  tout  ce  que  les  hommes  font,  et  tout  ce  qui  leur  advient.  Mais  ceci  est  dit  a  cause  qu'il  nous  semble  que  Dieu  soit  arriere,  et  qu'il  ne  pense  plus  de  nous,  quand  nous  ne  sommes  point  secourus  au  besoin.  Si  donc  les  maux  nous  pressent,  et  les  afflictions,  et  que  nous  recourions  a  Dieu,  et  qu'il  n'y  ait  nul  allegement,  et  que  tousiours  nous  languissions  :  il  faut  que  selon  nostre  sens  nous  imaginions  que  Dieu  ne  nous  regarde  plus,  et  qu'il  nous  a  mis  en  oubli.  Selon  cela  maintenant  Moyse  declare,  qu'il  eachera  sa  face  de  nous:  Au  reste,  sachons  quand  Dieu  nous