28:6  6  iusques  a  tant  que  le  maistre  vienne,  voire  et  que  ce  ne  soit  point  pour  la  cacher,  ne  pour  en  faire  mon  profit:  mais  que  ce  soit  pour  declarer:  I'ay  trouve  une  beste  perdue,  qu'on  la  vienne  demander,  et  ie  suis  prest  a  la  rendre  a  qui  elle  sera.  Et  puis  Moyse  adiouste,  que  cela  se  doit  aussi  bien  prattiquer  en  toutes  choses  perdues,  soit  robes,  soit  argent,  soit  tout  ce  qu'on  voudra.  Si  donc  ie  trouve  quelque  chose  perdue,  ie  suis  tenu  a  en  faire  bonne  garde,  et  a  la  restituer  au  maistre.  Et  de  faict,  l'equite  nous  induit  assez  a  cela.  Car  si  quelcun  a  perdu  ou  argent,  ou  autre  chose,  et  qu'il  ne  le  trouve  point,  il  en  fera  ses  plaintes,  et  a  bon  droict.  Or  selon  que  nous  sommes  enclins  a  nostre  profit,  aussi  regardons  que  nous  serons  condamnez,  quand  quelcun  aura  souffert  dommage  par  nostre  malice,  ou  par  nostre  nonchalance.  I'aceuseray  ceux  qui  ne  m'auront  pas  rendu  le  mien,  quand  ie  l'auray  perdu.  Et  pourquoy  donc  ne  seray-ie  condamne  en  cas  semblable?  Et  ainsi,  nous  voyons  maintenant  que  ce  n'est  point  assez  de  savoir  les  dix  parolles  qui  sont  contenues  en  la  Loy,  sinon  que  nous  ayons  l'exposition  quant  et  quant:  que  nous  sachions  a  quoy  Dieu  a  pretendu,  et  quelle  est  sa  volonte.  Car  si  ie  pren  ce  mot:  Tu  ne  desroberas  point,  et  que  ie  pense  que  c'est  assez  de  n'avoir  point  ravi  le  bien  d'autruy:  voila  une  exposition  trop  maigre.  Et  si  ie  me  flatte,  et  que  ie  me  glorifie  d'estre  pur  et  innocent,  ie  n'ay  rien  gagne.  Car  Dieu  monstre  que  son  intention  s'estend  plus  loin:  c'est  que  un  chacun  ait  le  soin,  voire,  et  qu'estans  conioints  et  unis  ensemble,  nous  taschions  de  maintenir  le  droict  de  nos  prochains:  et  qu'il  y  ait  ceste  loyaute,  que  d'une  part  et  d'autre  nous  ayons  ceste  equite-la  en  nous,  pour  dire:  Ie  ne  voudroye  point  qu'on  laissast  perir  mon  bien,  mais  qu'il  me  fust  conserve  :  ie  doy  donc  le  semblable  a  tous  ceux  avec  lesquels  ie  converse,  c'est  a  dire,  tous  hommes:  comme  il  sera  plus  a  plein  declare.  Or  regardons  maintenant,  si  nous  sommes  tenus  et  obligez  de  ramener  ou  le  boeuf,  ou  l'asne  qui  est  perdu,  si  nous  devons  par  rapine  et  malice  attirer  a  nous  le  bien  1*