27:6  6  trouvera  rien  en  nous  pourquoy  il  doive  estre  enclin  a  nous  aimer.  Mais  encores  afin  que  cela  soit  mieux  cogneu  en  ce  que  Dieu  nous  a  declaire  au  peuple  d'Israel,  il  a  choisi  la  lignee  d'Abraham.  Et  pourquoy?  Abraham  est  un  povre  homme,  il  n'y  a  ni  noblesse,  ni  dignite  en  luy,  et  n'est  pas  repute  grand  selon  le  monde:  toutesfois  Dieu  le  marque,  et  choisit  luy  seul  avec  sa  famille.  Et  quelle  est  ceste  famille?  Y  a-il  encore  la  quelque  apparence?  Abraham  n'a  nul  enfant,  ii  est  sterile,  il  est  du  tout  hors  d'espoir  d'avoir  iamais  nulle  semence.  Dieu  donc  appelle  Abraham  comme  un  tronc  qui  est  desia  mort:  et  pourtant  sainct  Paul  dit,  qu'en  la  personne  d'Abraham  Dieu  a  monstre  qu'il  choisit  les  choses  qui  ne  sont  point,  pour  leur  donner  estre.  Et  voila  pourquoy  il  est  dit  en  la  premiere  des  Corinthiens,  chapitre  premier,  que  nous  sommes  de  Dieu,  c'est  a  dire,  qu'il  nous  donne  essence  de  salut,  d'autant  qu'il  luy  a  pleu  nous  choisir  :  car  nous  ne  sommes  rien  en  nos  personnes.  Or  cependant  si  est-ce  qu'encores  ce  peuple  se  prisoit,  et  luy  sembloit  qu'il  valloit  mieux  que  tout  le  reste  du  monde.  Et  pour  ceste  cause  l'alliance  que  Dieu  avoit  faite,  et  l'adoption  de  ceste  lignee  est  rompue.  Voila  donc  le  peuple  d'Israel  qui  est  reiette  de  Dieu.  Car  aussi  il  merite  estre  comme  detestable:  que  ceste  sentence  de  condamnation  est  desia  prononcee,  qu'il  faut  qu'il  soit  rase  du  monde,  et  que  la  memoire  en  soit  du  tout  perdue.  Tant  s'en  faut  donc  que  les  enfans  d'Israel  se  puissent  glorifier,  ne  qu'ils  prennent  quelque  avantage  par  dessus  les  Payens:  qu'ils  sont  mis  au  plus  bas,  que  Dieu  les  condamne,  et  les  desadouve,  et  monstre  qu'il  n'y  a  plus  que  malediction  en  eux.  Il  faut  donc  que  maintenant  ils  cognoissent,  quand  Dieu  leur  baille  sa  Loy,  qu'il  les  enseigne,  et  qu'il  maintient  sa  promesse  envers  eux,  que  cela  est  d'une  grace  si  haute,  et  si  infinie,  qu'ils  en  doivent  estre  comme  estonnez.  Car  qu'estoit-ce,  puis  qu'ainsi  est  que  Dieu,  apres  que  les  tables  de  son  alliance  sont  rompues,  qu'encores  il  ait  daigne  avoir  eu  pitie  de  ce  povre  peuple?  Voila  les  deux  tables  qui  ne  sont  point  escrites  de  main  d'homme,  c'est  de  la  main  de  Dieu,  c'est  a