26:6  6  luy  eust  donne  entree  en  la  terre  promise,  il  eust  oublie  du  iour  au  lendemain  sa  faute  si  enorme,  quand  il  avoit  murmure,  mesmes  qu'il  avoit  renonce  a  l'heritage  entant  qu'en  luy  estoit,  il  ne  luy  eust  point  souvonu  d'une  telle  ingratitude  et  rebellion.  Il  a  donc  fallu  que  de  longue  main  il  fust  chastie,  en  sorte  que  iamais  il  n'oubliast  l'offense  qu'il  avoit  commise.  Ainsi  donc,  quand  nous  aurons  provoque  l'ire  de  Dieu  par  nostre  rebellion:  ne  trouvons  point  estrange,  si  du  premier  coup  il  ne  nous  delivre  point  du  mal  qu'il  nous  aura  envoye  pour  chastiment.  Car  nostre  peche  ne  seroit  pas  imprime  du  premier  iour  en  nostre  memoire  comme  il  est  requis.  Il  faut  donc  que  Dieu  besongne  en  telle  facon:  et  comme  i'ay  desia  touche,  qu'il  nous  laisse  languir.  Et  de  faict,  qu'est-ce  de  toute  la  vie  presente  sinon  un  tel  exercice?  Pourquoy  Dieu  nous  a-il  assuiettis  a  tant  de  povretez?  si  nous  sommes  eschappez  d'un  mal,  voila  le  second  qui  nous  rencontre,  tellement  qu'il  n'y  ha  iamais  fin:  c'est  pour  nous  apprendre  ceste  lecon  que  nous  ne  pouvons  point  recorder,  sinon  estans  contraints.  Et  au  reste,  nous  l'oublions  bien  tost:  sinon  que  nostre  Seigneur  nous  y  ait  comme  habituez,  ainsi  qu'on  dit,  que  nous  ayons  este  apprestez,  que  nous  soyons  comme  conduits  de  nature,  pour  dire:  Voila  nostre  Dieu  qui  nous  exerce  en  beaucoup  de  miseres,  et  le  fait,  d'autant  que  nous  sommes  povres  pecheurs.  Et  cependant  nous  pouvons  nous  conformer  a  luy,  que  nous  tirons  tout  au  rebours  de  sa  volonte?  Il  faut  donc  qu'il  nous  apprenne,  qu'en  despit  de  nos  dents  nous  sommes  en  sa  main,  et  qu'il  ha  toute  domination  et  empire  sur  nous.  Et  au  reste,  en  particulier,  quand  Dieu  envoyera  quelque  affliction  a  un  homme,  qu'il  pense  a  soy,  qu'outre  les  miseres  communes  de  ceste  vie  caduque,  Dieu  luy  veut  donner  une  instruction  particuliere.  Et  que  nous  ne  disions  point:  Pourquoy  cestuy-ci,  ou  cestuy-la  ne  meritent-ils  d'estre  chastiez  aussi  bien  que  moy?  comme  chacun  voudroit  bien  estre  plus  privilege  que  les  autres.  Mais  que  nous  advisions  de  porter  un  chacun  patiemment  les  verges  de  la  main  de  Dieu,  sachans  qu'il  noua