18:6  bus  ecclesiae  doctoribus  nonnullis  negotium  fuit:  nec  quidquam  dubitem  omnibus  quamtumvis  saepe  lapsis  et  relapsis,  etiam  in  eadem  gravissima  peccata,  aditum  tamen  ad  gratiae  thronum,  ut  misericordiam  consequantur  et  gratiam  inveniant,  modo  cum  fiducia  accedant,  patere  :  ingenue  tamen  fateor,  quum  fluctuantes  ilii  adeo  exempla  desiderent  ac  flagitent,  nulla  me  habere  quae  proferam.  Neque  enim  Davidis,  Petri,  Pauli,  latronis,  aut  peccatricis  illius  evangelicae  exempla  recipiunt,  quorum  singulorum  longe  fuerit  alia  ratio.  Ad  te  igitur,  mi  praeter  caeteros  semper  mihi  venerando  carissimeque  frater,  confugio,  ut  hic  mihi  tu  adsis,  quod  facile  scio  poteris,  praesenti  quapiam  huius  difficultatis  discussione,  ne  ipse  aliis  magno  ipsorum  periculo  desim.  Scribas  autem,  per  Iesum  Christum  te  obsecro,  vel  exempla,  si  quae  forte  nosti,  quae  animo  meo  nulla  ex  scripturis  succurrunt:  vel  certe  rationem  aliquam  iuxta  fidei  analogiam  affer,  cur  nihil  tale  in  scripturis  nobis  sit  proditum,  ut  ex  iis  tandem  angustiis  boni  quidam  homines  (sic  enim  mihi  videntur)  simul  autem  et  ipse  quoque  liberemur.  Tu,  ita  me  Christus  amet,  primus  et  solus  es  cui  de  hoc  scribere  visum  est,  quando  nihil  dubito  te,  imo  Dominum  per  te  pro  data  tibi  gratia,  mihi  quae  animis  nostris  satisfaciant  perplexosque  expediant,  magna  nostra  consolatione  responsurum.  Bene  vale,  anime  mi,  et  fatiscentem  senectutem  meam,  quo  magis  atque  magis  in  Christo  ad  aeternae  vitae  nunquam  intermorituram  beatitudinem  feliciter  reviyiscat  piorum  votorum  auxilio  strenue  adiuva.  Vituduri,  vij.  Idus  Ianuarii  1560.  Sed  quid  Viretus  ?  quid  vero  Bern  noster  ?  doctissimi  et  optimi  viri.  Bezam  valde  miror  nihil  vel  de  Colignio,  vel  Galli  rebus  ad  nos  perscribere.  Salutabis  utrumque  mea  vice  quam  potes  honorifice  et  amanter  cum  D.  Archigrammateo  vestro  Michaele  Roseto,  pariter  et  omnibus  qui  istic  nos  in  Domino  diligunt,  quibus  strenae  loco  longissima  aetatis  curricula,  omnium  corporalium  et  spiritualium  bonorum  concursu  feliciter  fluentia,  a  nato  mundi  Salvatore  (quae  vox  augustius  quiddam  ac  divinius  quam  Servator  sonat)  impetrata  cupio  ac  omnibus  animi  mei  votis  opto,  ipsorum  me  sacris  precationibus  diligentissime  commendans.  Tuus  Ambrosius  BI.  verum  ita  ut  nullus  sit  magis.