16:6  quod  faciat  ad  pacem  et  concordiam  ecclesiarum,  vobis  quamprimum  significabo.  Nihil  enim  magis  quam  ecclesiarum  concordiam,  modo  sit  iuxta  verbum  Domini,  cupio.  Legati  Imperatoris  pridie  huc  venerunt  nomine  regis  Anglorum,  pacem  et  amicitiam  petentes  et  annunciantes  omnibus  principibus  Germaniae,  adeoque  toti  imperio,  quantum  intelligo.  Multa  feruntur  de  Imperatore  et  de  Gallo,6)  at  ego  relinquo  illa  om*  nia  filiis  huius  saeculi.  Interea  do  operam  diligenter,  ut  dominos  meos  illustrissimos  principes  iuniores  duos,  7)  una  cum  illo  alio  qui  ex  Saxonia  venit  instituam,  ut  quum  meum  institutum  absolvero  me  rursus  in  coetum  fidelium  apud  vos  recipiam.  Neque  enim  huc  veni  ut  ad  vitam  manerem,  sed  tantum  ad  tempus,  donec  perficiam  id  ad  quod  sum  vocatus.  Hoc  quum  absolvero  liber  sum,  absolvam  autem  duobus  ad  nimium  annis.  Etenim  satis  feliciter  succedunt  nostra  studia  beneficio  Domini:  habeo  etiam  dociles  et  benevolos  discipulos,  habeo  praeterea  principem  clementissimum  atque  beneficum,  adeo  ut  nihil  mihi  desit.  Omnia  enim  mihi  ex  arce  subm  inis  tran  tur  pro  familia,  praeterea  stipendium  honestum  duplo  maius  quam  Argentinae.  Lautissime  sine  molestia  et  labore  vivimus.  Caro  saginatur:  at  spiritus  non  tam  bene  nec  tam  sincere  inservit  Christo  quam  in  laboribus  aerumnis  sudoribus  et  angustiis.  Hoc  testatur  conscientia  ipsa,  velit  nolit  caro.8)  Mea  uxor  perpetuo  infirmatur,  ut  hactenus.  Idcirco  vestros  et  ecclesiae  preces  postulat  quo  Dominus  dignetur  illam  consolari  spiritu  sancto  suo.  Valete  perpetuo  felices,  optimi  patres,  et  me  uti  soletis  amate.  Dominus  Deus  Opt.  Max.  suae  ecclesiae  diu  vos  servet  incolumes,  spirituque  sancto  suo  usque  in  vitam  aeternam  dirigat.  Amen.  Cassellis  8.  Ianuarii  1556.  Parcite,  quaeso,  stylo  et  calamo.  Salutatus  denique  cupio  omnes  fratres,  verbi  Dei  ministros.  Quibus  omnibus,  sed  vobis  inprimis,  faustum  felicemque  annum  precor.  6)  Ineunte  hoc  anno  legati  Imperatoris  et  regis  Galliae  de  induciis  ad  quinque  annos  faciendis  agebant  Quid  vero  sibi  velit  de  rege  Anglorum  non  assequimur.  7)  Erant  Philippus  IL  natus  1541  et  Georgius  natus  1547.  Frater  eorum  natu  maior  Guillelmus  a  patre  tempore  belli  Smalcaldici  Argentoratum  missus  ibi  a  Garnerio  aliquem  gallici  sermonis  gustum  acceperat  (Hofftneister,  Phil.  des  Grossm.  Nachfolger.  Cassel  1856,  p.  5.)  8)  Hic  duae  lineae  ab  ipso  autore  sic  atramento  inducto  deletae  sunt  ut  nihil  inde  erui  queat  1*