12:6  turbari  istos  homines  si  non  illis  concedatur  quod  petunt.  Hoc  secundum  gravius  est  visum.  Ita  enim  responderant  rogati  homines  illi:  Quum  sibi  esset  abeundum  Wormaciam,6)  postulare  ut  tranquilla  conscientia  possent  discedere:  id  non  posse  nisi  prius  isto  audito.  Valde  hanc  causam  sustinuerunt  D.  Sturmius  et  Sevenus.  Tandem  maxime  ac  gravissime  renitentem  D.  Bucerum  coegerunt  Garnerio  secundum  locum  concedere.  Et  quomam  non  ante  proximam  hebdomadam  eram  incepturus,  hos  quatuor  dies  passus  est,  qui  de  praesenti  supererant,  populo  dari  ad  audiendum  illum.  Rogati  num  placeret,  annuunt  omnes.  Sed  ecce  unus  qui  videbatur  optimus  ac  sanctulus  quispiam,  cuius  gratia  Sevenus  quiritabatur  (allegant  ipsi  cum  sociis  ultra  3000  fi.  amisisse  causa  evangelii,  ergo  aliquid  concedendum),  is  nescio  quid  turbare  coepit,  ita  ut  mihi  discedendum  fuerit.  Quid  postea  sit  factum  nescio:  ubi  cognovero,  scribam  copiosius.  Ego  iam  in  eo  statu  sum,  ut  quamvis  peccet  populus  nullum  tamen  habeat  locum  monitio  mea.  Et  ut  illum  placarem,  quamvis  minuta  graviter  ministerii  dignitate,  quum  haec  postularent  propter  verbum  Dei,  quasi  vero  per  nos  hactenus  illis  defuisset,  tamen  haec  omnia  dissimulantes  non  dubitavimus  etiam  supplices  illis  esse.  Sed  ita  visum  Deo,  tantum  Satanae  concedere,  ut  probetur  ecclesia  sua  atque  sanctuli  deprehendantur  hypocritae.  Dominus  adsit  nobis  suo  spiritu.  Ego  valde  vereor  quo  res  haec  evadat:  etiam  in  exemplum  esse  ecclesiae  germanicae.  Ego  etiam  urbe  iubeor  excedere  propter  insalubrem  aerem.  Ita  scripsit  illustris  comes  meus7)  D.  Bucero.  Attamen  ad  finem  ego  usque  persistam,  ut  si  qua  possem  ecclesiam  Dei  adiuvem.  Oro  te  atque  obtestor  ut  quam  potes  citissime  ad  nos  et  ad  ecclesiam  scribas.  Caetera  fere  tibi  narrabit  hic  bonus  frater  noster  qui  magna  ex  parte  interfuit.  Christus  optimus  maximus  te  sospitet  ac  diu  suae  servet  ecclesiae.  Argent,  postridie  Idus  lan.  1545.  T.  paternitati  devotissimus  filius  ac  discipulus  in  Christo  Valerandus  Pollanus.  605.  CALVINUS  LUTHERO.  Mittit  ei  libellos  duos  nuper  editos  de  vitandis  superstitionibus,  petitque  ut  sententiam  suam  de  quaestione  ibi  tractata  in  commodum  Gallorum  aliquo  modo  patefaciat.  6)  ad  comitia.  7)  Cf.  N.  550,  not.  2.