11:6  parmis  ne  tenu  aussy,  car  en  preschant  purement  levangile  il  nei6)  pouroit  subsister.  Daultrepart  la  bonne  union  quil  voit  en  tous  et  que  tous  sont  de  bon  accord  la  grandement  esmeu.  A  ce  fut  respondu  quon  estoit  grandement  iouyeux  de  luy  et  de  sa  venue,  priant  nostre  seigneur  quelle  fust  en  son  bien  et  salut  et  edification  de  tous,  et  que  son  occasion  nestoit  pas  soufisante  pour  avoir  meu  ung  tel  trouble,  veu  que  sy  clerement17)  on  declairoit  la  divinite  de  Iesuchrist  et  que  sy  appertement  on  monstroit  la  vraye  distinction  entre  le  pere  et  le  filz  et  le  sainct  esperit  selon  laquelle  on  avoit  enseigne,  quil  ne  se  debvoit  combatre  ainsy:  car  au  commencement  de  la  predication  de  levangile  on  regardoit  cela  quest  oit  plus  dedification  et  ce  que  le  peuple  pouvoit  plus  facilement  comprendre:  non  point  quon  reiectast  les  motz,  ne  quon  les  condemnast,  ne  ceulx  quen  usoyent,  ce  que  iamais  nadvint,  et  ce  quon  a  confesse  estre  utile  et  convenable  den  user  cest18)  pour  entretenir  paix  et  concorde  et  pour  entretenir  une  eglise  avec  laultre,  et  que  pour  les  motz  lon  ne  se  combate  point  et  que  lune  ne  mesprise  point  laultre  a  cause  dyceulx  et  que  plus  facilement  lum  se  puisse  entendre  lum  avec  laultre.  Et  quant  aulx  symboles  nous  ne  sommes  cy  na19)  la  reiection  ne  reception,  mais  ce  que  disons  du  pere  du  filz  et  du  sainct  esperit  est  suffisant  pour  ung  crestien  comme  aussy  la  confession  de  la  divinite  de  Iesuchrist.  Et  de  cela  qui  est  dict  de  Iesuchrist  qui  est  Ieovah  qui  a  tousiours  eu  estre  de  soy,  la  on  ne  regarde  point  le  nom  de  la  personne,  mais  la  divinite  et  essence.  Or  disons  nous  de  Dieu  quil  est  sans  fin  et  sans  commencement  et  quil  est  de  soy  mesme  et  que  tout  vient  de  luy  et  luy  de  nully.  Ainsy  quant  on  considere  Iesuchrist  absoluement  comme  Dieu,  tout  ce  que  compete  a  Dieu  luy  est  atribue:  ce  que  comprent  le  mot  Ieovah.  Mais  quant  on  considere  la  personne  de  Iesuchrist  non  point  absoluement  en  sa  divinite  mais  comme  filz  de  Dieu,  on  dit  quil  est  eternellement  du  pere  et  a  son  estre  dycelluy,  comme  asses  a  este  declare,  et  bien  leussiez  peu  entendre  quant  eussiez  voulu  traicte  amiablement  par  avant,  et  Dieu  vueille  quon  ny  alle  iamais  en  telle  sorte  comme  lon  y20)  a  procede,  mais  en  bonne  admonition  exhortation,  comme  nous  debvons  les  ungs  envers  les  aultres  en  tachant  de  bien  entendre  lung  laultre  comme  apertient  et  de  bien  edifier  les  eglises.  A  ce  il  respondit  quant  estoit  de  Ieovah  quil  16)  ny  S.  17)  ouvertement  S.  18)  cest  om.  S.  19)  c'est  a  dire:  ne  a.  20)  ny  8.