5:599  ACTES  DE  EATISBONNE.  Evesque  propre:  veu  aussi,  qu'il  n'est  pas  utile  de  commettre  plus  d'Eglises  a.  un  homme,  qu'il  ne  peult  visiter  personnellement  une  foys  l'an,  sans  deffaillir  a  son  Eglise  propre:  affin  que  les  Eglises  ne  soyent  plus  fraudees,  comme  elles  ont  esto,  de  la  sollicitude  que  leur  doyvent  les  Ministres  :  il  fauldra  aussi  proveoir,  que  chascune  ville  peuplee  ayt  son  pasteur,  avec  telle  condition,  qu'il  ayt  le  gouvernement  entier:  a  ce  qu'il  ayt  pleine  puissance,  et  d'ordonner  son  Eglise  a  laquelle  il  sera  principallement  lye,  et  aussi  les  aultres  moindres  d'alentour,  qui  en  dependront,  tant  en  les  visitant,  comme  en  faisant  les  aultres  choses  appartenantes  a  la  charge  episcopale.  Il  fauldra  donc  mettre  peine,  de  restituer  et  observer  l'ordre  et  la  forme  et  la  distinction  du  gouvernement  ecclesiasticque,  selon  que  les  anciens  Canons  le  descrivent,  quant  a  l'office  des  Evesques  et  Archevesques.  Car  mesme  par  cy  devant  on  a  constitue  plusieurs  suffragans,  Archeprestres  et  Archediacres,  sus  un  mesme  Evesehe,  quand  il  estoit  si  grand,  qu'un  seul  homme  n'y  povoit  suffire.  Or  combien  a  nuict  cela  aux  Eglises,  qu'elles  n'ont  pas  eu  chascune  son  Ministre  propre  et  idoyne,  et  ont  este  desprouveues  et  destituees,  de  la  sollicitude  que  leur  devoyent  leurs  Evesques,  on  ne  le  scauroit  assez  explicquer  de  parolles.  Item,  puis  qu'il  n'est  possible  a  homme  vivant  de  soubstenir  ensemble  charge  civile  et  ecclesiastique:  pour  laquelle  raison  aussi  les  Canons  anciens  defendent  si  estroictement,  que  nul  estant  depute  a  office  ecclesiastique,  et  singulierement  [fol.  106]  les  Evesques,  ne  prenne  charge  seculiere:  il  sera  necessaire  pareillement  de  diviser  ces  offices,  tellement  que  ceux  qui  auront  le  gouvernement  spirituel  de  l'Eglise,  n'ayent  pas  la  charge  et  administration  temporelle.  Or  comme  ainsi  soit,  que  les  Evesques  qu'on  appelle  auiourdhuy  ne  se  soucient  que  des  seigneuries  temporelles  et  communement  ne  sont  pas  instruictz  pour  faire  vray  office  episcopal,  en  enseignant,  distribuant  les  Sacremens,  et  corrigeant  par  discipline  ecclesiasticque  ceux  qui  faillent,  tant  du  clerge  que  du  peuple:  nous  ne  voyons  nul  moyen  plus  commode  ne  tolerable  a  tous  les  estatz,  tant  en  general,  comme  en  particulier,  ne  a  tout  l'Empire,  ny  mesme  plus  salutaire  aux  Eglises,  selon  que  les  choses  sont  auiourdhuy  disposees  en  l'Allemaigne:  que  de  laisser  les  seigneuries  a  ceux  qui  les  administrent  maintenant  et  qu'on  a  accoustume  d'eslire,  pour  les  administrer,  a  telle  condition  que  la  dignite  et  puissance,  qu'ilz  ont  maintenant,  leur  demeurera  saulve,  et  puis  que  par  les  Eglises,  tant  celles  qui  sont  maintenant  cathedrales,  que  celles  lesquelles,  selon  les  Canons,  devoient  avoir  leurs  propres  Evesques,  on  ordonne  Ministres  et  Pasteurs,