48:599  599  SERMONS  600  qu'on  ne  luy  attribue  point  plus  qu'il  ne  luy  appartient.  Et  apres  avoir  dit  plusieurs  propos,  il  conclud  qu'il  faut  qu'il  soit  amoindri,  et  que  Iesus  Christ  soit  exalte.  Il  ne  dit  pas  cela  en  hypocrisie,  mais  il  le  dit  en  verite.  Que  pleust  a  Dieu  que  ceste  doctrine  eust  bien  este  retenue  du  monde.  Mais  quoy?  Nous  tendons  tousiours  a  ceste  meschante  superstition  que  nous  regardons  aux  creatures,  et  ce  nous  sont  autant  de  voiles  pour  nous  empescher  de  regarder  a  Iesus  Christ  Et  voyla  qui  est  cause  qu'on  a  fait  tant  d'idoles  au  monde,  comme  il  y  en  a  un  nombre  infini.  Autant  qu'il  y  a  eu  de  saincts  personnages  au  monde,  autant  avons-nous  dresse  d'idoles:  voire  combien  que  les  graces  que  Dieu  leur  a  elargies  nous  soyent  argumens  pour  nous  addresser  a  luy,  et  non  pas  nous  arrester  a  eux.  Quand  les  Papistes  veulent  magnifier  leurs  saincts,  ils  disent  qu'il  est  escrit,  Louez  Dieu  en  ses  saincts.  Ie  laisse  a  dire  qu'ils  sont  bestes,  en  prenant  ainsi  ce  passage  :  veu  que  le  Prophete  disant,  Louez  Dieu  en  son  saint  lieu,  ou  en  son  sanctuaire,  entend  le  ciel  :  comme  s'il  disoit,  Louez  ceste  maieste  Divine  regnante  en  son  throne  celeste  sur  toutes  creatures.  Mais  encores  ils  magnifient  les  saincts  entr'eux,  tellement  que  (comme  ils  disent)  on  n'y  cognoist  Dieu  pour  les  Apostres,  ou  bien  il  est  la  mis  comme  au  rang  des  autres.  Or  ce  proverbe  diabolique  qu'ils  tienent  entr'eux,  On  n'y  cognoist  Dieu  pour  les  Apostres,  sera  tesmoignage  contr'eux  qu'ils  ont  deschire  la  gloire  de  Dieu  comme  chiens  et  en  ont  donne  une  piece  deca  et  l'autre  dela,  et  l'ont  ainsi  distribuee  a  qui  bon  leur  a  semble.  En  lieu  que  Iesus  Christ  devoit  estre  seul  exalte,  et  les  Prophets  et  Martyrs  aneantis  en  comparaison  de  luy,  ils  ont  fait  tout  le  contraire.  Ainsi  donc,  veu  que  nous  sommes  enclins  a  ce  vice-la,  d'exalter  les  creatures  et  de  despouiller  Iesus  Christ  de  sa  gloire,  retenons  tant  mieux  ce  qui  est  dit  que  Iehan  a  baptize  dy  pour  monstrer  que,  si  nous  avons  affaire  de  quelque  grace,  il  ne  faut  point  venir  ni  a  Pierre  ni  a  Iehan,  mais  a  Iesus  Christ,  duquel  il  est  dit  qu'il  a  receu  la  grace  de  Dieu,  non  point  en  partie,  mais  en  plenitude,  pour  monstrer  qu'il  faloit  s'addresser  a  luy  seul.  Au  reste,  on  a  prins  en  ceci  occasion  de  dire  que  le  Baptesme  de  Iehan  n'estoit  pas  parfait.  Mais  c'est  abus:  car  l'intention  de  Iehan,  quand  il  parloit  ainsi,  n'a  pas  este  de  declarer  la  verite  du  Sacrement  qu'il  administroit,  mais  seulement  quelle  est  la  difference  de  sa  personne  d'avec  Iesus  Christ.  Combien  donc  que  le  Sacrement  du  Baptesme  administre  par  Iehan,  et  celuy  qu'a  administre  Iesus  Christ,  soit  un  mesme  Sacrement,  et  tendant  a  mesme  fin,  toutesfois  Iehan  declare  qu'il  n'a  pas  la  vertu  de  faire  valoir  le  Baptesme,  mais  que  c'est  a  Iesus  Christ.  Il  n'y  a  donc  point  de  doute  que  ce