40:599  599  PRAELECTIONES  600  et  sicuti  ferrum  contundit  omnia  haec,  conteret  et  contundet.  41.  Quod  autem  vidisti  pedes  et  digitos  partim  ex  Mo  fictili  (vel,  ex  testa),  et  partim  ex  ferro:  regnum  divisum  erit:  et  de  fortitudine  ferri  erit  in  eo,  propterea  vidisti  ferrum  mixtum  cum  testa  luti  (vel,  lutea).  42.  Et  digiti  pedum  (vel,  si  liceat  verbum  repetere,  digitos  pedum)  partim  ex  ferro,  et  partim  ex  terra  (vel,  ex  luto,  ex  testa  de  qua  dixit),  ex  parte  regnum  (illud)  erit  robustum,  et  ex  parte  erit  fragile.  43.  Quod  vidisti  ferrum  commixtum  testae  luteae  (fictili),  commiscebunt  se  inter  se  in  semine  hominis,  et  non  cohaerebunt  alius  cum  alio,  sicuti  ferrum  non  miscetur  cum  testa.  Hic  quartum  imperium  describitur:  quod  non  potest  competere  nisi  in  Romanos.  Scimus  enim  quatuor  Alexandri  successores  tandem  subactos  fuisse.  Primus  fuit  Philippus  rex  Macedonum,  alter  Antiochus.  Sed  tamen  Philippus  nihil  ex  proprio  regno  perdidit:  tantum  cessit  urbibus  liberis  Graeciae.  Erat  igitur  integer  adhuc,  nisi  quod  pependit  tributum  Romanis  ad  aliquot  annos  ob  belli  impensas.  Antiochus  etiam  quum  impositas  a  victore  conditiones  suscipere  coactus  esset,  ultra  Taurum  montem  expulsus  est.  Sed  Macedonia  redacta  fuit  in  provinciam  devicto  et  capto  Perseo.  Postea  idem  etiam  contigit  regibus  Syriae  et  Asiae.  Postrema  fuit  Aegyptus,  quae  occupata  fuit  ab  Augusto.  Regnaverant  enim  posteri  ipsorum  usque  ad  illud  tempus:  et  Cleopatra  ultima  fuit  ex  illa  sobole,  quemadmodum  satis  notum  est.  Qumm  ergo  absorptae  fuerint  tres  illae  monarchiae  a  Romanis,  optime  illis  convenit  quod  hic  dicit  propheta,  nempe  sicuti  ferrum  comminuit  et  contundit  et  atterit  omnia,  sic  contusas  et  contritas  fuisse  tres  illas  monarchias  a  romano  imperio.  Nec  vero  mirum  est  quod  hic  enumerat  inter  monarchias  gubernationem  illam  populi:  quia  scimus  paucos  fuisse  dominatos  in  populo  illo:  et  hoc  etiam  illis  fuit  in  communi  usu,  vocare  qualemcunque  speciem  suae  gubernationis  imperium,  et  vocare  etiam  populum  illum  dominum  totius  orbis.  Ferro  autem  confert  eos  propheta,  non  tantum  ob  duritiem  (quanquam  haec  causa  diserte  exprimitur)  sed  alia  etiam  est  ratio  similitudinis,  quod  et  aliis  omnibus  fuerint  deteriores  et  crudelitate  et  truculentia  superarent  tam  Macedonas  quam  Persas  et  Medos.  Quanquam  enim  magnifice  suas  virtutes  celebrant,  si  quis  tamen  sano  iudicio  expendat  qualiter  se  gesserint,  omnino  reperiet  fuisse  saevam  tyrannidem  prae  aliis  omnibus.  Nam  quamvis  iactent  totidem  fuisse  reges  quot  erant  senatores,  multo  melius  dicemus  totidem  fuisse  et  latrones  et  tyrannos.  Nam  vix  centesimus  quisque  ipsorum  ostendit  micam  aequitatis  vel  quum