35:599  599  S  E  R  M  O  N  S  600  une  mesme  chose.  Et  il  le  monstre  bien,  en  disant  qu'il  a  este  desfigurej  et  qu'on  n'a  pas  daigne  le  regarder,  pour  ce  qu'il  n'y  avoit  ne  beaute,  ne  forme  en  luy,  mais  qu'il  estoit  comme  retranche  de  toute  compagnie  des  hommes,  et  qu'il  n'estoit  pas  digne  d'estre  mis  entre  les  creatures  mortelles.  Or  ceci  sera  encores  plus  a  plein  declare  avec  le  temps:  car  ceste  mesme  sentence  sera  reiteree  pour  declaration  plus  ample.  Mais  quoy  qu'il  en  soit,  desia  le  Prophete  monstre  que  les  Iuifs  en  attendant  leur  Redempteur,  devoyent  fermer  les  yeux  a  tout  ce  qu'on  a  accoustume  de  chercher,  et  donner  lieu  a  la  foy,  pour  se  tenir  certain  de  la  bonte  de  Dieu,  combien  que  tout  repugnast  a  leur  opinion.  Et  ceci  n'est  pas  seulement  dit  de  la  personne  de  nostre  Seigneur  lesus  Christ,  mais  de  tout  le  cours  de  son  Evangile,  et  de  tout  l'ordre  qu'il  tient  a  maintenir  et  gouverner  ses  fideles.  Si  donc  nous  voulons  estre  asseurez  de  nostre  salut  en  Iesus  Christ,  il  faut  en  premier  lieu  que  nous  n'ayons  point  honte  de  ce  qu'il  a  este  ainsi  desfiguro  selon  les  hommes,  et  qu'estant  envoye  au  monde,  il  a  este  tenu  comme  execrable  et  maudit:  et  puis  apres,  que  son  Evangile  a  este  aussi  expose  en  tout  opprobre  :  comme  encore  auiourd'huy  nous  voyons  le  semblable.  Car  si  nous  avons  honte  de  recevoir  nostre  Seigneur  Iesus  Christ  crucifie,  il  est  certain  que  nous  sommes  exclus  de  toute  esperance  de  salut.  Car  comment  est-ce  que  nous  sommes  sauvez  par  luy?  comment  est-ce  que  l'heritage  des  cieux  nous  appartient  sinon  d'autant  qu'il  a  este  fait  malediction  pour  nous,  et  qu'il  n'a  pas  este  seulement  maudit  devant  les  hommes,  mais  de  la  bouche  de  Dieu  son  Pere?  Voyla  comme  Iesus  Christ,  qui  est  la  fontaine  de  toute  benediction,  a  neantmoins  porte  nos  pechez,  et  a  este  semblable  aux  sacrifices  anciens  qui  estoyent  appelez  Pechez,  pource  qu'il  faloit  que  l'ire  de  Dieu  fust  la  declaree,  et  que  les  hommes  en  fussent  affranchis  et  absous.  Et  comment  est-ce  que  Iesus  Christ  est  nostre  vie,  sinon  d'autant  qu'il  a  englouti  la  mort  en  mourant?  Et  comment  est-ce  que  nous  sommes  eslevez  par  luy,  sinon  d'autant  qu'il  est  entre  iusques  aux  abysmes  d'enfer,  c'est  a  dire  qu'il  a  soustenu  les  horreurs  qui  estoyent  sur  nous,  a  cause  de  nostre  peche,  et  desquelles  nous  eussions  este  accablez?  Car  il  faloit  que  nous  eussions  tousiours  Dieu  pour  nostre  iuge:  et  c'est  une  chose  si  espouvantable  que  rien  plus,  que  Dieu  nous  soit  contraire.  Il  a  falu  que  Iesus  Christ  soit  la  entre  comme  nostre  plege,  et  celuy  qui  devoit  payer  pour  nous,  et  soustenir  nostre  condamnation  pour  nous  en  absoudre.  Ainsi  donc,  ne  trouvons  point  estrange,  quand  nous  voyons  qu'il  a  este  ainsi  desfigure:  et  si  cela  est  folie  a  nostre  sens,  que  nous  cognoissions  (comme  dit  sainct  Paul)  que  la  folie  de  Dieu  surmonte  toute  la  sagesse  du  monde.