32:599  599  DIXIEME  SERMON  600  cipiter  les  hommes  en  ruine,  quand  ils  s'eslevent  plus  qu'il  en  leur  appartient.  Advisons  plustost  de  domter  toutes  nos  cupiditez,  et  que  nous  les  tenions  comme  captives,  ainsi  que  sainct  Paul  en  parle.  Car  qui  est  cause  qu'auiourd'huy  tant  de  gens  se  dressent  contre  l'Evangile?  ce  n'est  pas  qu'ils  ne  cognoissent  que  ceste  doctrine  ne  soit  bonne,  et  qu'ils  n'en  iugent  ainsi:  mais  cependant  ils  n'en  sont  pas  vrayement  persuadez  pour  dire,  Voyla  comme  il  nous  faut  vivre.  Chacun  veut  avoir  la  liberte  de  faire  ce  que  bon  luy  semblera.  Il  faut  donc,  pour  confesser  que  les  iugemens  de  Dieu  sont  iustes,  que  nous  apprenions  de  tenir  toutes  nos  passions  captives:  que  nous  souffrions  d'estre  condamnez  par  luy,  et  redarguez  comme  il  appartient  en  tous  nos  vices,  et  en  toutes  nos  imperfections.  Or  pouvons-nous  faire  cela?  c'est  a  dire,  nous  sommes-nous  assuiettis  a  la  parole  de  Dieu?  Il  faut  que  nous  soyons  aussi  bien  suiets  a  sa  main,  qu'il  frappe  quand  il  luy  plaira,  et  quo  nous  cognoissions  vivement  que  nous  avons  failly,  confessans  qu'il  nous  afflige  iustement,  ou,  comme  il  dit  yci,  en  verite.  C'est  en  somme,  qu'il  est  iuste  en  nous  punissant,  comme  sage  en  nous  enseignant:  l'un  depend  de  l'autre,  c'est  a  dire,  le  second  depend  du  premier.  Car  celuy  qui  sera  venu  a  ceste  humilite  dont  parle  David,  de  cognoistre  qu'en  la  parole  de  Dieu  il  n'y  a  qu'une  doctrine  saincte,  une  verite  infallible,  une  equite  si  parfaite  que  rien  plus:  celuy  qui  aura  cognu  cela,  il  aura  quant  et  quant  dequoy  estre  fortifie  pour  recevoir  les  corrections  d'un  esprit  debonnaire,  et  de  ne  se  point  fascher  pour  regimber  a  l'encontre  de  l'esperon,  comme  nous  avons  accoustume  de  le  faire.  Souffrons  donc  maintenant  que  Dieu  nous  redargue,  voire,  et  qu'il  nous  afflige,  attendu  qu'il  fait  tout  cela  pour  nostre  profit  et  salut.  Voyla  quelle  est  la  somme  de  ce  verset.  Il  adiouste  puis  apres,  Que  ta  misericorde  soit  pour  me  consoler  selon  ta  parole  donnee  a  ton  serviteur.  Yci  David  fait  une  requeste  plus  generale  que  celle  que  nous  avons  desia  veue.  Il  demandoit  a  Dieu  qu'il  fust  enseigne  par  luy:  maintenant  il  adiouste,  Que  ta  misericorde  soit  pour  me  consoler.  Comme  s'il  disoit,  Seigneur,  ie  t'ay  requis  une  chose  speciale  et  particuliere,  mais  Aadiouste  maintenant  qu'en  tout  et  par  tout  tu  me  sois  propice,  que  ta  misericorde  s'estende  sur  moy,  que  rien  ne  me  defaille.  Tu  vois  ce  qui  m'est  necessaire  et  utile:  Seigneur  donc  qu'en  toutes  sortes  ie  t'experimente  bon  et  pitoyable.  Voyla  quelle  difference  il  y  a  entre  la  premiere  requeste  que  nous  avons  desia  veue,  et  ceste  seconde.  Or  c'est  un  poinct  qui  est  bien  digne  d'estre  note.  Car  (comme  desia  nous  avons  dit)  voyla  le  premier  que  nous  devons  avoir  en  singuliere  recomman-