9:598  les  deux,  ceste  beste  sauvage  vient  heurter  a  l'estourdie  contre  moy,  et  dit:  Si  nous  sommes  Chrestiens  en  esprit,  nous  devons  quitter  et  mettre  sous  le  pied  le  Baptesme  exterieur.  Sainct  Paul  tient  bien  un  autre  moyen.  Car  en  attribuant  nostre  purgation  a  la  grace  de  Dieu  et  a  sa  parole  qui  nous  vivifie,  n'oublie  pas  toutefois  le  lavement  d'eau.  Nostre  vie,  dit-il,  est  cachee  avec  Iesus  Christ  (Col.  3,  3).  Ie  luy  demanderay  pourquoy  donc  il  habite  au  monde,  s'il  veut  estre  tenu  pour  Chrestien.  Mais  ii  applique  cela  a  la  cause  presente,  qu'il  s'ensuit  que  l'Eglise  doit  estre  spirituelle,  et  par  consequent  tenue  en  cachette.  S'il  entend  qu'il  n'y  a  que  Dieu  seul  qui  cognoisse  les  siens,  ie  le  confesse.  S'il  entend  aussi  que  ceux  qui  veulent  estre  reputez  Chrestiens  devant  Dieu,  le  doyvent  servir  en  purete  de  coeur:  cela  est  vray.  Mais  il  se  iette  du  tout  hors  des  gons,  concluant  qu'il  n'y  a  point  donc  d'Eglise  visible.  Or  nous  savons  que  le  [page  25]  sainct  Esprit  nomme  Eglise  toutes  assemblees,  ou  la  parole  est  preschee,  son  Nom  purement  reclame,  et  les  Sacremens  administrez.  Quelle  arrogance  est-ce  a  un  maraud  ie  ne  say  quel,  de  vouloir  changer  et  corriger  le  style  du  sainct  Esprit?  Il  replique,  que  ce  qui  est  visible  est  temporel:  ce  quo  ie  confesse  bien  quant  a  soy.  Mais  ceste  beste  ne  discerne  point  entre  la  forme  exterieure  et  la  substance  ou  verite  des  Sacremens.  L'eau  du  Baptesme  est  corruptible  en  soy:  aussi  sont  le  pain  et  le  vin  de  la  Cene:  et  toutefois  l'usage  se  rapporte  au  salut  eternel  de  nos  ames.  Pour  parler  encore  plus  clairement,  il  y  a  des  choses  qui  d'elles-mesmes  sont  approuvees  de  Dieu,  comme  d'avoir  la  foy:  il  y  en  a  d'autres  desquelles  l'usage  se  rapporte  a  une  fin  plus  haute,  comme  d'avoir  la  Parole  afin  d'estre  instruit.  Or  combien  que  l'ouye  soit  temporelle,  ce  n'est  pas  a  dire  pourtant  que  la  predication  qui  se  fait  par  la  bouche  d'un  homme  mortel,  ne  soit  semence  incorruptible  de  vie  (1.  Pierre  i,  23),  et  la  puissance  de  Dieu  en  salut  a  tous  croyans  (Rom.  1,  16).  Il  replique,  que  la  louange  de  ce  qui  est  exterieur  est  des  hommes,  non  pas  de  Dieu.  S'il  entend  que  Dieu  ne  s'amuse  point  a  l'apparence,  ie  luy  confesse.  Mais  d'autant  qu'il  pretend  de  forclorre  et  aneantir  toutes  les  dependances  de  la  vraye  religion,  lesquelles  doivent  estre  coniointes  a  leur  verite,  il  n'y  a  non  plus  de  raison  en  son  dire  qu'a  Pabbay  d'un  chien.  Les  hypocrites  s'agenouillent  devant  Dieu,  de  la  nous  pouvons  bien  recueillir  que  la  ceremonie  n'est  point  le  tout,  ni  le  principal.  Mais  quand  il  infere  que  [page  26]  c'est  tout  un  de  s'agenouiller  devant  Dieu,  ou  devant  une  idole,  que  cela  n'emporte  rien  :  c'est  arguer  en  beste.  Toutefois  il  maintient  hardiment  qu'il  appert  par  telles  raisons  que  la  Circoncision  et  le  Prepuce,  et  le  Baptesme  ne  sont  rien,  ni  aucune  chose  exterieure.  38*