6:598  fication  en  la  bouche.  Et  se  plaisent  tellement  en  ce  qu'ilz  font,  qu'il  leur  semble  proprement  avis,  qu'il  n'y  ait  qu'eux  au  monde  qui  sachent  l'art  d'edifier.  Pleust  a  Dieu  qu'ilz  s'en  acquitassent  si  bien  qu'il  n'y  eust  que  redire.  Ie  ne  leur  porteroye  point  d'envie,  quant  a  moy.  Mais  quoy?  qu'ilz  entrent  en  leurs  consciences:  et  puis  qu'ilz  me  sachent  a  dire,  *)  a  quelle  intention  ilz  chantent  messe,  laquelle  ilz  congnoissent  estre  un  sacrilege  abominable:  et  induisent  les  autres  par  leur  exemple  a  idolatrer.  Qu'ilz  respondent  a  Dieu,  et  non  pas  a  moy:  s'ilz  ne  regardent  pas  a  s'edifier  eux  mesmes  non  pas  selon  l'ame  mais  pour  le  bien  du  corps.  Quelcun  me  demandera  icy,  si  i'ay  telle  estime  de  tous  les  prescheurs,  qui  estans  en  pays  papistes,  s'approchent,  le  plus  qu'ilz  peuvent,  de  la  pure  doctrine:  encor  qu'il  y  ait  beaucoup  d'infirmite,  2)  et  mesmes  qu'ilz  n'enseignent  qu'a  demy.  Ia  a  Dieu  ne  plaise.  Car  aucontraire,  ie  suis  tout  persuade  qu'aucuns  y  vont  de  bon  zele,  cherchans  l'honneur  de  Dieu,  et  le  salut  du  peuple,  non  pas  leur  profit  corporel.  Mais  il  est  certain  que  ceux  qui  se  mettent  ainsi  en  cholere  pour  maintenir  leur  idolatrie,  et  taschent  de  la  couvrir  soubz  l'ombre  d'edifier,  sont  apres  pour  faire  leur  cas:  3)  et,  comme  i'ay  dit,  s'edifient  des  maisons  pour  l'aisance  et  commodite  de  leurs  corps,4)  au  lieu  d'edifier  l'eglise  de  Dieu.  Quant  est  de  l'edification  de  leurs  prochains  ilz  devroyent  noter  ce  que  sainct  [fol.  9]  Paul  monstre,  assavoir  qu'on  peut  edifier  tant  en  mal  comme  en  bien.  Car  en  amusant  le  povre  peuple,  et  l'entretenant  en  idolatrie,  que  font  ilz  autre  chose  que  l'endurcir?  S'ilz  se  glorifient  en  ce  malheureux  bastiment,  ie  leur  quitte  le  ieu.5)  Voila  donc  la  premiere  espece  de  ceux  qui  se  mescontentent  de  moy:  assavoir  les  prescheurs,  qui  au  lieu  de  s'exposer  a  la  mort,  pour  relever  le  vray  service  de  Dieu,  en  abolissant  toutes  idolatries,  veulent  faire  Iesus  Christ  leur  cuisinier,  pour  leur  bien  apprester  a  disner.  De  ceux  qui  ont  droicte  affection,  encor  que  ie  les  reprene  en  ce  qu'ilz  defaillent,  ie  say'qu'ilz  confesseront  plustost  la  debte,6)  que  de  contester  contre  les  remonstrances  qu'ilz  voyent  estre  de  Dieu,  entant  qu'elles  sont  prises  de  sa  simple  parolle.  Il  y  a  puis  apres  une  seconde  secte.  Ce  sont  les  prothonotaires  delicatz,  qui  sont  bien  contens  d'avoir  l'Evangile,  et  d'en  deviser  ioyeusement  et  par  esbat  avec  les  Dames,  moyennant  que  cela  ne  1)  bona  fide  respondeant.  2)  multum  desiderari  possit  in  eorum  doctrina.  3)  rebus  suis  intentos  esse.  4)  pour  l'aisance  .  .  .  .  corps,  manque  dans  le  latin.  5)  hanc  gloriam  illis  concedo.  6)  culpam.  38*