5:598  vant  toutes  choses  la  doctrine  de  l'Evangile  soit  purement  et  entierement  enseignee  par  les  Eglises,  et  que  les  Sacremens  soient  administrez  selon  icelle,  et  que  tout  ce  qui  se  faict  en  l'Eglise,  soit  la  rapporte.  Or  affin  de  faire  quelque  bon  commencement  de  cela:  il  fauldra  ordonner  que  tous  les  articles,  qu'on  aura  icy  passe  avec  la  grace  de  Dieu,  soyent  receuz  par  tout  l'Empire:  et  que  tant  les  Predications,  comme  les  Sacremens,  et  aultres  ceremonies  Ecclesiasticques,  soyent  conformes  a  iceulx.  Car  si  on  ne  corrige  en  premier  lieu,  ce  qui  a  este  perverty  en  la  doctrine,  aux  Sacremens  et  en  tout  le  service  de  Dieu:  le  gouvernement  de  la  Religion  demeurera  corrumpu  et  contencieux  et  par  ce  moyen  IESUS  Christ  se  courroucera  contre  nous,  tellement  qu'on  ne  pourra  rien  constituer  droictement,  ny  a  profit  en  l'Empire,  ny  destourner  la  calamite,  qui  nous  est  tant  prouchaine.  D'avantage,  pource  que  ia  Religion  ne  se  peult  bien  restituer,  ne  en  doctrine,  ne  en  ceremonies,  ne  en  la  discipline,  sinon  que  les  Eglises  ayent  ministres  propres  et  menez  de  bon  zele:  il  sera  mestier  de  restituer  aux  Eglises  leur  droict  d'eslire,  ou  pour  le  moins  d'approuver  leurs  Ministres,  selon  que  portent  les  Canons  anciens.  Tellement  que  a  quiconques  appartiennent  les  nominations  ou  presentations,  qu'on  appelle,  sauf  le  droict  d'un  chascun,  qu'ilz  ne  poulsent  point  les  Ministres  dedans  les  Eglises,  sinon  qu'ilz  soyent  esleuz  canonicquement  et  examine*:  puis  approuvez  du  peuple,  et  des  seigneurs  ou  gouverneurs.  Ce  que  requiert  l'article  qui  est  mis  au  Livre,  touchant  la  discipline.  Et  appert  par  les  anciens  Canons  et  constitutions  des  Empereurs  chrestiens,  que  cela  a  este  sans  difficulte  commande,  comme  une  constitution  indubitable  du  droict  divin.  Car  nulle  raison  ne  souffre,  comme  dit  Leon,  que  ceux,  qui  doivent  avoir  le  gouvernement  de  tous,  ne  soyent  aussi  requis  et  [fol.  105]  approuvez  de  tous.  Et  de  faict  l'experience  a  monstre  non  sans  gros  detriment  de  l'Eglise,  quelles  gens,  et  combien  ineptes  au  ministere,  ont  este  promeuz  par  les  suffragans,  et  constituez  en  charge  ecclesiastique:  cependant  que  apertement  contre  les  Canons  et  sainctes  ordonnances  des  Empereurs,  les  gouverneurs  des  villes  et  les  peuples  ont  este  exclus  de  l'election  et  probation  de  leurs  Ministres.  D'avantage,  comme  ainsi  soit  que  chascune  ville  moyennement  peuplee,  ayt  mestier  d'avoir  son  38*