49:598  nous  avons  une  consideration  plus  haute,  ascavoir  de  nous  asseurer  et  certifier  que  Iesus  Christ  se  communique  a  nous,  et  que  nous  sommes  participans  de  sa  propre  vie.  Maintenant  donc  nous  entendons  clairement  ce  que  S.  Paul  a  voulu  dire  en  ce  passage.  Au  reste  nous  voyons  une  bonte  inestimable  de  nostre  Dieu,  et  qui  nous  doit  bien  ravir  en  estonnement,  de  ce  qu'il  a  donne  des  Sacremens  a  son  peuple,  en  la  Manne,  et  en  l'eau  qui  est  sortie  du  rocher  veu  qu'il  avoit  bien  merite  tout  le  contraire.  Car  comment  esfc-ce  que  l'eau  est  sortie  du  rocher,  sinon  d'autant  que  le  peuple  murmure?  Voire  comme  quand  desia  il  avoit  eu  la  Manne,  il  avoit  la  monstre  une  mesme  ingratitude  et  malice.  Ho,  comment,  faut-ii  (disoyent-ils)  que  nous  mourrions  ici  de  faim  au  desert?  au  lieu  ^qu'en  toute  humilite  ils  devoyent  recourir  a  Dieu,  et  en  gemissant  luy  demander  pardon,  et  se  remettre  entre  ses  mains,  confessans  qu'il  leur  estoit  pere  nourricier:  ils  y  vienent  avec  une  impetuosite  si  brutale,  qu'ils  le  voudroyent  tenir  captif  sous  leurs  appetis.  Or  non  seulement  il  leur  donne  a  manger  et  a  boire,  combien  qu'il  les  voye  ainsi  desbordez,  mais  outre  cela,  il  veut  que  le  boire  et  le  manger  les  conduise  iusques  a  la  vie  celeste.  Voyla  un  miracle  que  nous  devons  bien  priser.  I'appelle  miracle,  non  pas  comme  le  mot  est  prins  en  langage  commun:  mais  un  ouvrage  de  Dieu  qui  surmonte  tout  esprit  humain.  Car  n'estoit-ce  point  desia  une  grande  liberalite,  quand  Dieu  a  secouru  ce  peuple  en  luy  donnant  la  Manne  pour  sa  nourriture,  en  luy  donnant  l'eau  pour  son  breuvage:  comme  s'il  eust  dit,  Et  bien  vous  n'estes  pas  dignes  que  ie  vous  rassasie:  car  vous  venez  ici  en  murmurant  contre  moy:  et  il  semble  que  vous  me  veuillez  despiter?  Ou  sont  les  oraisons?  ou  est  la  reverence  que  vous  me  devriez  porter?  Toutesfois  ie  n'auray  point  esgard  a  ceste  ingratitude:  beuvez  et  mangez.  Ainsi  c'eust  este  beaucoup  quand  Dieu  eust  pardonne  l'offense  de  ce  peuple:  et  que  cela  ne  l'eust  point  empesche  de  donner  pasture  pour  le  corps.  Or  il  passe  plus  outre:  non  seulement  ie  vous  nourriray  vos  corps,  desquels  vous  avez  eu  trop  grand  souci:  mais  ie  vous  veux  faire  servir  ceste  viande  corruptible  a  un  usage  plus  excellent:  c'est  qu'elle  vous  sera  figure  et  tesmoignage  que  vous  estes  repeus  et  nourris  en  la  vie  celeste,  pour  une  fois  parvenir  a  ma  gloire.  Et  ie  vous  donne  ce  gage  ici,  afin  que  vous  soyez  certains  et  asseurez  que  vous  estes  membres  de  mon  Fils,  que  ie  vous  conioints  a  son  corps,  afin  que  tous  ses  biens  vous  soyent  communs.  Quand  Dieu  parle  ainsi,  et  mesmes  que  nous  sentons  par  effect  qu'il  besongne  en  telle  sorte,  ne  monstre-il  pas  qu'il  surmonte  toute  nostre  malice  et  perversite  par  sa  bonte  infinie?  Car  ce  qui  nous  est  declare  en  ceste