48:598  monte  au  ciel,  ie  vous  envoyeray  le  sainct  Esprit*  Maintenant  donc  il  leur  conferme  ce  propos,  afin  qu'ils  l'attendent  constamment.  Il  adiouste,  Iehan  a  baptise  d'eau  mais  vous  seres  baptizez  au  sainct  Esprit  C'est  une  confirmation  de  la  promesse  qu'il  leur  donne  yci.  Comme  s'il  disoit,  I'ay  office  de  baptizer,  non  pas  d'eau  mais  au  sainct  Esprit.  Cest  office  ne  m'est  pas  donne  en  vain  de  Dieu  mon  Pere:  il  faut  donc  que  vous  en  sentiez  l'experience  et  le  fruit.  Car  voyla  un  point  qu'il  faut  que  nous  scachions,  que  rien  n'a  este  donne  en  vain  a  Iesus  Christ.  Or  il  n'en  a  point  besoin  pour  son  usage:  mais  c'est  pour  ses  membres,  afin  que  nous  puisions  tous  de  sa  plenitude  grace  pour  grace.  Ainsi  concluons  que,  puis  que  cest  office  a  este  attribue  a  Iesus  Christ,  de  baptizer  au  sainct  Esprit,  il  faut  que  nous  en  ayons  l'experience  en  nous  et  que  nous  soyons  participans  d'un  tel  bien.  Autrement  ii  auroit  un  titre  volage,  et  n'en  auroit  point  la  verite.  Et  ce  seroit  un  blaspheme  de  dire  cela.  Il  faut  donc  cognoistre  que  Iesus  Christ  exerce  un  tel  baptesme  en  nous.  Voyla  qu'il  a  yci  propose  a  ses  Apostres.  Or  sainct  Iehan  Baptiste  avoit  desia  remonstre  aux  Iuifs  qu'il  ne  baptizoit  qu'en  eau:  et  la  raison  qu'il  avoit  de  parler  ainsi,  c'estoit  pour  autant  qu'on  luy  attribuoit  trop  en  deroguant  a  Iesus  Christ.  Il  reiette  donc  cela,  et  dit  que  ce  qu'il  fait  n'est  sinon  qu'il  administre  le  signe  visible  de  l'eau,  et  que  de  conferer  la  grace  au  Baptesme  cela  ne  luy  appartient  pas,  mais  que  c'est  l'office  de  Iesus  Christ.  Voyla,  dit-il,  ie  vous  administre  l'eau:  mais  celuy  que  vous  ne  cognoissez  point  encores,  c'est  celuy  qui  ha  ceste  puissance  de  laver  spirituellement,  et  ie  ne  suis  pas  digne  de  luy  deslier  la  courroye  de  son  soulier.  Car  combien  que  ie  soye  venu  devant,  il  faut  que  ie  soye  aneanti  et  qu'on  s'arreste  a  luy  pour  le  magnifier.  Voyla  le  propos  de  Iehan  Baptiste:  et  maintenant  Iesus  Christ  en  use,  comme  disant,  cela  ne  vous  doit  point  estre  nouveau,  car  vous  avez  entendu  de  long  temps  que  le  privilege  de  baptizer  au  sainct  Esprit  est  reserve  a  moy  seul.  On  pourroit  yci  faire  une  question:  ascavoir  pourquoy  Iesus  Christ  fait  mention  plustost  de  Iehan  Baptiste  que  d'autre.  La  raison  est  patente:  d'autant  que  la  grandeur  de  Iehan  Baptiste,  ainsi  que  les  hommes  en  abusoyent,  empeschoit  que  Iesus  Christ  ne  fust  deuement  magnifie.  Et  s'il  eust  parle  de  quelque  autre,  il  eust  semble  neantmoins  que  Iehan  estoit  bien  a  comparer  a  Iesus  Christ.  Il  a  donc  choisi  le  plus  excellent,  afin  de  monstrer  qu'il  ne  faut  point  s'abuser  aux  creatures,  mais  que  c'est  luy  a  qui  il  taut  s'addresser  du  tout.  Aussi  nous  voyons  qu'en  lieu  que  les  hommes  travaillent  a  se  faire  valoir  entre  les  hommes,  voyla  Iehan  Baptiste  qui  prend  toute  peine  de  s'abbaisser,  afia  38*