32:598  qu'elle  est  aveugle,  d'autant  que  les  hommes  se  veulent  eslever  tousiours  outre  mesure.  Or,  Seigneur,  tu  m'as  amene  a  ce  poinct,  que  ie  ne  veux  plus  me  gouverner  selon  ma  teste  et  ma  fantasie:  que  ie  ne  me  veux  point  fier  en  moy,  pour  scavoir  si  une  chose  sera  bonne  ou  non:  mais  i'acquiesce  a  ce  que  tu  me  dis.  Voyla  quant  au  premier.  Et  puis  apres,  Combien  que  i'aye  des  affections  repugnantes  a  ta  Loy,  qu'elles  soyent  pour  me  ietter  hors  des  gons:  toutesfois,  Seigneur,  i'ay  domte  toutes  mes  passions,  voire  par  ta  vertu,  te  priant  que  tu  continues  a  les  tenir  comme  captivos,  iusques  a  ce  que  tu  m'en  delivres  pleinement.  Voyla  comme  David  a  prattique  ceste  cognoissance,  qu'il  dit  avoir  eu  de  Dieu  par  sa  parole.  Et  a  son  exemple,  recordons  continuellement  ceste  lecon:  appliquons-y  nostre  estude  et  soir  et  matin,  a  ce  que  nous  puissions  dire  que  nous  avons  cognu  que  c'est  que  Dieu  nous  commande,  voire  pour  le  suyvre.  Mais  David  ne  met  point  ceste  simple  cognoissance  de  la  parole  de  Dieu:  il  passe  plus  outre:  c'est  ascavoir,  Que  Dieu  Va  afflige  en  verite.  Or  cecy  est  encores  plus  difficile  que  le  premier.  Il  est  vray  que  nous  aurons  de  grans  combats  devant  que  nous  pouvoir  renger  a  Dieu  en  telle  humilite  que  nous  scachions  que  luy  est  seul  sage:  mais  encores",  ceux  qui  ont  cognu  cela,  si  est-ce  qu'ils  ne  trouvent  point  ses  chastiemens  doux  et  gracieux,  qu'ils  ne  soyent  impatiens,  qu'ils  n'en  concoyvent  quelque  fascheries  pour  grincer  les  dents.  Or  David  conioint  yci  les  deux,  c'est  ascavoir,  que  non  seulement  il  prise  la  parole  de  Dieu,  mais  aussi  les  chastiemens  qu'il  luy  a  envoye:  comme  s'il  disoit,  Seigneur,  non  seulement  ie  souffre  d'estre  enseigne  par  ta  parole,  mais  d'estre  chastie  aussi  par  ta  main:  que  tu  me  donnes  des  coups  de  verges,  toutes  fois  et  quantes  que  tu  me  vois  faillir,  et  que  tu  me  redresses,  te  monstrant  pere  pitoyable  envers  moy.  Or  maintenant  nous  avons  une  bonne  admonition,  c'est  ascavoir,  qu'en  premier  lieu  il  faut  que  nous  apprenions  de  nous  reigler  a  la  volonte  de  Dieu,  pour  recevoir  sans  contredit  sa  parole,  que  nous  n'ayons  point  de  repliques  en  nos  sens  ny  affections,  que  nous  ne  facions  point  de  bruit  quand  Dieu  parle:  mais  qu'il  ait  telle  authorite  envers  nous,  que  nous  luy  facions  silence  en  telle  sorte,  que  nous  scachions  que  tout  ce  qu'il  nous  dit  est  iuste.  Voyla  un  Item.  Or  pour  ce  faire,  il  faut  que  nous  apprenions  de  n'estre  point  si  endormis  que  nous  sommes  de  nature,  en  nos  vices  et  en  nos  pechez,  et  sur  tout  en  ceste  ambition,  que  nous  voulons  tousiours  nous  eslever.  Cognoissons  plustost  que  Dieu  est  le  maistre  des  humbles  et  des  petis:  humilions-nous,  et  n'ayons  point  ceste  grandeur,  et  ceste  folle  hautesse  qui  ne  fait  que  pre-  38*