9:597  597  A  UN  HOLANDOIS.  598  tastique  nomme  Sebastien  Franc,  lequel  on  cognoit  avoir  este  sans  cerveau,  et  du  tout  insense.  Quant  a  ce  qu'il  nous  reproche  que  nous  retirons  les  membres  de  Christ  du  service  spirituel,  pour  les  rappeler  aux  ceremonies  externes,  c'est  une  menterie  sans  couleur.  Car  nous  ne  disons  pas  que  la  religion  et  sainctete  consiste  au  dehors,  en  adorant  Dieu  des  .  yeux,  des  mains,  ou  des  pieds  :  mais  nous  disons  que  le  service  exterieur  est  une  dependence  et  accessoire  du  service  spirituel.  Qu'il  reprouve  ce  point,  s'il  peut,  sans  tant  extravagrier.  Quant  a  ceux  qui  se  desguisent  et  [page  23]  contrefont,  il  ne  se  doit  point  prendre  a.  moy,  si  ie  les  appelle  gens  doubles,  hypocrites,  clochans  des  deux  costez,  traistres  et  apostats:  veu  que  ie  parle  apres  l'Escriture;  et  mesme  apres  le  sens  naturel.  Pour  bien  prouver  son  dire,  il  allegue  que  Iesus  Christ  nous  renvoye  de  sa  chair  a  son  Esprit  (Iean  G,  63):  comme  si  au  mesme  passage  il  ne  disoit  pas,  que  sa  chair  est  la  vraye  nourriture  de  nos  ames  (Iean  6,  55).  Ainsi  quand  il  dit  que  la  chair  ne  profite  rien,  il  ne  veut  pas  nous  faire  tant  spirituels,  que  nous  ne  tenions  conte  des  Sacremens,  desquels  l'usage  doit  estre  spirituel:  mais  il  declaire  que  le  profit  que  nous  apporte  sa  chair,  ne  se  peut  recevoir  qu'en  la  vertu  de  l'Esprit.  Voila  comme  ce  pourceau  renverse  du  groin  tout  le  sens  de  l'Escriture.  Il  adiouste  a  une  mesme  fin  le  tesmoignage  de  sainct  Paul  (Rom.  2,  28),  que  celuy  qui  est  luis  en  apparence,  ne  l'est  pas  de  verite.  Dont  il  conclud  que  celuy  qui  est  Chrestien  en  apparence  ayant  este  baptize,  et  observe  les  ceremonies  a  ma  poste,  ne  doit  pas  estre  tenu  pour  tel.  Une  harengere  auroit  honte  de  habiller  si  sottement.  Tous  mes  livres  tesmoignent  assez  que  ie  rapporte  les  Sacremens  visibles  a  leur  verite  et  substance.  Ie  di  donc  avec  sainct  Pierre,  que  le  lavement  d'eau  n'est  pas  le  vray  Baptesme  sans  le  tesmoignage  que  nous  rend  nostre  conscience  devant  Dieu,  par  la  resurrection  de  Iesus  Christ  (1.  Pierre  3,  21).  Mais  de  la  s'ensuit-il  que  pour  estre  Chrestien,  il  faille  abolir  le  baptesme  exterieur?  C'est  bien  tomber  d'une  extremite  a  l'autre.  Le  Baptesme  exterieur  n'est  rien  sans  sa  verite  spirituelle:  s'ensuit-il  [page  24]  pourtant  qu'il  soit  inutile?  Ce  vilain  est  si  effronte  de  le  conclure.  Mais  en  ce  faisant,  il  blaspheme  contre  nostre  Seigneur  Iesus  Christ  :  comme  s'il  s'estoit  ioue  et  gabe  de  nous  en  instituant  un  signe  frivole.  Si  i'endormoye  les  hommes,  en  leur  faisant  a  croire  que  ce  leur  est  assez  d'avoir  este  baptizez,  il  auroit  occasion  de  me  contredire.  Mais  encore  si  devroit-il  ensuyvre  la  reigle  de  Iesus  Christ,  lequel  reprenant  les  Scribes  et  Pharisiens  de  ce  qu'ils  amusoyent  le  monde  a  petites  choses,  leur  dit,  Qu'en  faisant  l'un,  il  ne  faloit  pas  oublier  l'autre  (Matth.  22,  23).  Or  quand  ie  di  qu'il  faut  conioindre