8:597  597  MICHAELIS  SERVETI  508  personis  unam  illi  subtraheret?  Pluribus  excutienda  non  est  absurditatum  farrago,  quae  sponte  lectorum  mentibus  se  ingeret.  Deum  vocat  tres  personas,  quem  ubique  invisibilem  esse  dicit,  nisi  quod  in  verbo  corporali  et  visibili  personam  duntaxat  unam  protulit,  [pag.  1901  I  a  m  si  tres  personas  sustinuit  Christus,  patrem  et  spiritum  sequetur  non  minus  esse  passos,  quam  filium  Dei.  Ad  haec,  si  in  filium  competit  Christi  persona,  quomodo  conveniet  quod  alibi  fatetur  realiter  distinctos  esse?  Liquere  iam  arbitror,  quam  multis  modis  se  implicuerit,  dum  suos  errores  contumaciter  defendens,  ex  una  absurditate  elabi  tentat.  Ut  excuset  quod  impie  nugatus  est,  verbum  fuisse  geniturae  Christi  semen,  unde  formata  est  eius  caro,  locos  suo  more  in  sensum  alienissimum  detorquet.  Dicit  Esaias  (45,  8):  Rorate  coeli  desuper,  et  nubes  pluant  iustitiam,  aperiatur  terra,  et  germinet  salutem.  Quasi  hic  sermo  Dei  praeparativum  sui  ipsius  semen  vocetur,  ac  non  potius  huc  tendat  precatio,  ut  Deus  iustitiam  et  salutem  suam  per  totum  mundum  diffundat.  Alibi  Esaias  (55,  10)  verbum  Dei  pluviae  comparat,  quae  terram  irrigans,  eam  foecundat:  ut  scirent  Iudaei,  quod  de  ipsorum  redemptione  pollicitus  erat  Deus,  minime  fore  irritum.  Quid  hoc  ad  humanae  in  Christo  naturae  generationem?  Christum  Psalmus  70  *),  pluviae  comparat  in  pratum  exsectum  stillanti,  unde  vis  germinandi  prodeat.  De  salutari  Christi  virtute  loquitur,  quae  se  in  totum  ecclesiae  corpus  diffundet.  Quam  praepostere  ergo  ad  Christi  personam  restringitur?  Et  tamen  paulo  post,  Davide  et  Esaia  testibus  confisus,  victoriam  sibi  arrogat.  Quod  in  loco  Iohannis  verbum  accipi  iactat  pro  voce  patris,  nugatorium  est.  Nam  testimonium  Christi  in  carne  patefacti  Iohannes  ab  aeterno  illo  sermone  petit,  qui,  eodem  teste,  caro  factus  est.  Quod  si  sermo  est  factus  caro,  perperam  Servetus  alium  esse  nugatur.  Commentum  suum  2)  nobis  obtrudit  ex  Dialogo  2  pag.  266:  [pag.  191]  Ut  penitius  intelligas  quid  sit  caro  factum,  et  quatenus  ab  eo  differat  quod  est  carni  unitum,  tria  sunt  tibi  in  verbo  consideranda,  idea,  elementum  et  lux.  Verbum  quatenus  erat  hominis  idea,  seu  persona  et  praefiguratio,  dicitur  caro  factum,  et  quasi  in  carnem  personaliter  concessisse.  In  elementari  quoque,  seu  superelementari  seminis  substantia  verbum  est  homo  factum,  quia  eius  elementa  sunt  corporaliter  quodammodo  facta  carnis  elementa,  et  spiritualiter  animae.  Quatenus  vero  erat  verbum  essentia  lucis,  dicitur  carnis  materiae  unitum,  ut  totum  plasma  sit  unus  homo,  et  una  Dei  caro.  Tandem  pagina  sequente  1)  Beza  et  Amst  habent  76.  Lege  72,  6.  2)  Pour  plus  ample  satisfaction  il  nous  met  en  avant  une  autre  resverie  sienne.