5:597  ACTES  DE  RATISBONNE.  LA  SECONDE  PARTIE  DE  LA  RESPONSE  DES  PROTESTANS,  TOUCHANT  LA  REFORMATION  DES  METJRS,  ET  DE  LA  DISCIPLINE  ECCLESIASTIQUE.  COMPOSEE  PAR  MARTIN  BUCER.  1)  Or  pource  que  l'Empereur;  nostre  souverain  seigneur,  a  de  sa  grace  requis,  que  les  Electeurs,  Princes  et  Estatz,  luy  declarassent,  par  quelles  voyes  et  moyens,  on  pourroit  oster  les  grans  abuz,  qui  dominent  tant  en  l'estat  ecclesiasticque  comme  au  seculier,  Item,  dresser  et  establir  une  reformation  chrestienne,  et  une  bonne  restitution  de  la  discipline,  de  laquelle  chose  nous  avons  grande  necessite:  nous  les  ambassadeurs  de  l'electeur  de  Saxe,  les  Princes  et  Estatz,  et  les  conseilliers  et  ambassadeurs  des  absens,  qui  suyvons  la  confession  de  Augspourg,  et  la  Religion  qui  y  est  contenue,  desirans  d'humblement  obtemperer  a  ceste  saincte  et  gracieuse  demande  de  l'Empereur:  ayant  considere,  selon  qu'il  nous  estoit  possible,  l'estat  present  d'Allemaigne;  pensons  que  quand  a  la  reformation  de  l'estat  seculier,  il  sera  bon  que  ce  qui  a  este  delibere  aux  iournees  cy  devant  tenues  touchant  la  police,  et  ce  qui  a  este  determine,  tant  a  Augspourg  comme  aultrepart,  contre  Pyvroignerie,  la  pompe  des  habillemens,  les  usures,  les  monopoles  et  aultres  vices,  avec  ce  qui  a  dernierement  este  touche  par  l'Empereur,  tant  en  son  mandement,  comme  en  sa  premiere  proposition,  soit  mis  de  rechef  en  conseil,  et  que  ce  qui  en  aura  este  conclud  soit  mis  en  execution.  Si  cela  se  faict,  nous  ne  doubtons  pas  qu'on  ne  puisse  venir  a  une  bonne  reformation  de  l'estat  seculier,  et  facilement  corriger  les  abuz  ^ui  y  dominent.  Quant  est  de  la  reformation  de  l'estat  Ecclesiastique,  nous  avons  donne  charge  a  noz  theologiens  qui  sont  icy,  de  nous  descrire  quelque  mode  et  forme  d'icelle,  sans  quelque  preiudice.  Ce  qu'ilz  ont  faict.  Nous  offrons  donc  Sire,  a  vostre  maieste  ce  conseil  pour  estre  considere  et  examine  tant  par  vous  que  par  les  Estatz  de  l'aultre  partie  et  nous  mesmes.  Le  contenu  est  tel.  f  fol.  104]  Premierement,  puis  que  la  crainte  de  Dieu  est  le  commencement  de  toute  sagesse  et  salut,  et  toute  nostre  iustice  et  nostre  salut  gist  en  la  vraye  foy  de  Christ:  il  sera  necessaire,  que  de-  1)  Ce  texte  se  trouve  dans  les  r  ecueils  de  Bucer  (Act.  Lat.  p.  93  ss.,  Act.  germ,  f.  108)  chez  Bretschneider  {Corpus  Mes.  IV,  p.  542)  et  ches  Hergang  {Bel  Gesprach  p.  398).  Ches  Bucer  cette  piece  porte  un  ture  un  peu  differ  ent,  savoir:  wResponsum  Protestantium  de  reformandis  abusibus  ecclesiasticis  datum  Imperatoriae  Maiestati  14.  Iulii  1541.  Autliore  Martin  o  Bucero.  Apres  son  retour,  et  des  le  mois  d'Aout,  Bucer  pubha  un  petit  ecrit  sur  le  meme  sujet,  dont  il  sera  question  interieurement.