49:597  597  SUR  L'EPITRE  AUX  CORINTHIENS.  598  l'ignorance,  ou  plustost  la  malice  et  obstination  de  plusieurs,  qu'on  s'abstiene  de  chose  qui  seroit  beaucoup  plus  propre  pour  l'edification  de  l'Eglise.  Mais  prenons  le  cas  qu'on  fist  la  Cene  en  pain  commun,  quand  il  y  auroit  un  mesme  pain,  on  en  pourroit  donner  a  un  chien  en  une  maison,  et  neantmoins  ceux  qui  en  prendroyent  ici  k  la  Cene,  ce  leur  seroit  un  pain  sacre:  car  il  est  sanctifie  en  usage  particulier,  il  nous  est  un  gage  que  nous  sommes  nourris  et  substantez  du  corps  de  Iesus  Christ.  Yoyla  donc  le  pain  qui  est  sanctifie  en  la  Cene.  Et  pourquoy  ?  Pource  que  la  promesse  qui  s'adresse  a  nous  est  celle  qui  le  sanctifie  :  en  sorte  qu'il  n'est  point  comme  le  pain  que  Dieu  nous  donne  pour  nostre  nourriture  et  pour  la  viande  corruptible.  Notons  bien  donc,  que  quand  sainct  Paul  dit  que  le  rocher  ou  l'eau  qui  en  est  sortie  a  ete  un  breuvage  spirituel,  il  entend  pource  que  Dieu  vouloit  conduire  son  peuple  plus  haut  qu'a  rassasier  la  soif  du  corps,  a  scavoir  luy  monstrer  qu'il  nous  faut  cercher  toute  nostre  vie  et  nostre  substance  en  nostre  Seigneur  Iesus  Christ,  d'autant  qu'en  nous  il  n'y  a  que  sterilite,  et  nous  n'avons  pas  une  seule  goutte  de  bien,  mais  faut  que  ce  qui  concerne  nostre  salut,  nous  le  demandions  par  misericorde:  et  que  Dieu  par  sa  bonte  gratuite  nous  subvienne,  que  nous  mendions  de  luy,  et  que  nostre  Seigneur  Iesus  Christ  face  cest  office  de  nous  paistre  et  nourrir  de  foys  pour  ce  qu'en  luy  gist  toute  plenitude  de  vie.  Voyla  comme  l'eau  a  este  spirituelle  aux  Peres.  Auiourd'huy  le  pain  et  le  vin  de  la  Cene  nous  sont  spirituels:  mais  cependant  le  vin  sera  tire  d'un  tonneau  :  et  il  y  en  aura  de  beu,  voire  seulement  pour  repaistre  le  corps:  car  quand  on  apportera  ici  du  vin  pour  la  Cene,  on  ne  va  pas  creer  une  vigne  tout  a  part,  on  ne  fait  pas  un  vin  tout  autre.  Et  quand  i'auray  beu  ici  du  vin  de  la  Cene,  ie  pourray  boire  du  mesme  vin,  a  scavoir  s'il  n'est  point  divers?  Ouy:  car  il  faut  que  nous  ayons  tousiours  esgard  a  l'intention  de  Dieu.  Quand  ie  vien  prendre  le  vin  de  la  Cene,  ce  n'est  point  pour  nourrir  mon  corps.  Et  a  ce  propos  si  on  voit  la  bestise  de  quelques  pourceaux  qui  viendront  ici  humer:  que  si  on  leur  bailloit  un  demi  pot  de  vin,  il  seroit  engouffre.  Or  ce  n'est  point  pour  la  nourriture  de  nos  corps  que  nous  venons  ici  :  Ce  n'est  pas  ou  il  nous  la  faut  cercher,  comme  il  sera  declare  plus  a  plein  au  chapitre  suyvant.  Nous  ne  ferons  donc  que  gouster  du  vin.  Pourquoy?  Afin  de  recevoir  tesmoignage  que  nous  sommes  nourris  quant  a  nos  ames,  du  sang  de  nostre  Seigneur  Iesus  Christ.  Or  quand  nous  allons  prendre  nostre  refection  tantost  apres,  nous  pourrons  boire  du  mesme  vin:  voire  mais  c'est  en  autre  sorte,  et  en  autre  qualite.  Et  pourquoy?  Car  quand  on  prendra  du  vin  en  la  maison,  c'est  pour  nourrir  le  corps:  mais  quand  nous  venons  ici  au  temple,