48:597  597  DE  L'ASCENSION.  598  ce  que  nous  aurons  pense  de  nous-mesmes,  mais  en  ce  qui  nous  a  este  promis  de  Dieu.  Comme  S.  Paul  dit  que  la  foy  vient  de  l'ouye,  non  pas  d'ouir  les  propos  que  les  hommes  peuvent  apporter  d'euxmesmes,  mais  de  l'ouye  de  la  parolle  de  Dieu  seulement.  Et  de  faict,  pource  que  nous  sommes  enclins  a  diverses  tentations,  il  est  bien  besoin  que  nous  soyons  fondez  en  Dieu  et  que  luy  mesme  ait  parle  a  nous.  Voire  mais  il  ne  descendra  pas  du  ciel  pour  parler  a  nous.  Il  est  vray:  mais  ii  faut  que  nous  soyons  certains  que  la  doctrine  qu'on  nous  presche  est  de  luy,  comme  aussi  Iesus  s'en  constitue  tesmoin  en  parlant  aux  Apostres.  Ce  que  ie  vous  annonce  (dit-il)  c'est  ce  que  i'ay  apprins  de  mon  Pere.  Et  ne  faut  point  que  vous-vous  desfiez  de  moy,  car  ie  suis  tesmoin  fidele.  Comme  de  faict  nous  voyons  que  Iesus  Christ  n'a  point  excede  son  office.  Ainsi  en  tout  ce  que  nous  attendons,  ne  regardons  ne  ca  ne  la,  mais  arrestons-nous  a  sa  Parolle.  Au  reste,  pour  tant  qu'on  abuse  souvent  du  nom  de  Dieu,  que  nous  regardions  bien  si  c'est  luy  qui  aura  parle  a  nous.  Or  maintenant  nous  n'avons  point  Iesus  Christ  qui  parle  a  nous  en  personne,  mais  tant  y  a  qu'il  ratifie  ce  qui  est  contenu  en  la  Loy  et  les  Prophetes.  Il  ne  faut  donc  point  douter  de  la  doctrine.  Pourquoy?  Car  elle  est  approuvee.  Voyla  comme,  en  suyvant  ceste  doctrine,  nous  ne  pouvons  faillir:  au  contraire,  nous  aurons  beau  dire,  Nous  sommes  Chrestiens,  quand  nous  n'aurons  qu'une  opinion  frivole.  Maintenant  regardons  quelle  est  la  foy  de  la  Papaute.  Ils  diront  bien,  Ie  crffy  ceci  et  cela:  mais  si  on  leur  demande,  pourquoy  le  croyez-vous?  ils  diront  c'est  pourtant  qu'on  le  leur  a  ainsi  dit.  Mais  qui  est-ce  qui  le  vous  a  dit?  Ce  ont  este  nos  predecesseurs.  Voyla  comment  il  n'y  a  nulle  certitude  en  leur  foy,  mais  seulement  une  opionion  frivole.  Et  pourtant  nous  avons  a  considerer  la  grace  que  Dieu  nous  a  faicte  de  nous  en  retirer.  Car  nous  ne  sommes  pas  maintenant  au  cuider,  mais  nous  avons  ceste  verite  infalible  qu'il  nous  a  donnee,  sur  laquelle  il  nous  faut  estre  fondez.  Vray  est  que  cela  ne  peut  estre  sinon  qu'elle  soit  ratifiee  par  le  S.  Esprit  en  nos  coeurs.  Car  autrement  on  auroit  beau  dire:  Dieu  a  parle,  ceste  doctrine  vient  de  luy.  Iusques  a  ce  que  l'Esprit  de  Dieu  ait  besongne  en  nous,  pour  nous  monstrer  que  les  promesses  de  Dieu  sont  authentiques,  nous  ne  ferons  que  chanceler.  Mais  comme  Iesus  Christ  est  le  tesmoin  fidele  de  son  Pere,  aussi  nous  conferme-ii  par  le  S.  Esprit:  et  nous  prier  qu'il  le  face  de  plus  en  plus.  C'est  ce  que  nous  avons  a  traitter  maintenant.  Car  Iesus  Christ  avoit  promis  aux  Apostres  de  leur  envoyer  le  S.  Esprit,  comme  on  peut  veoir  aux  Ch.  14  et  15  de  S.  lean,  ou  ceste  promesse  est  declaree  que  Iesus  Christ  leur  disoit:  Quand  ie  seray