40:597  597  IN  DANIELEM.  CAP.  II.  598  tunc  fuerit  Babylon  apud  omnes  pios  et  sinceros  Dei  cultores.  Caeterum,  ut  res  solent  in  deterius  collabi,  in  mundo  adhuc  vigebat  tolerabilis  status  sub  illa  monarchia.  Haec  ratio  est  cur  Nebuchadnezer  vocetur  caput  aureum.  Hoc  autem  non  debet  referri  ad  eius  personam,  sed  potius  extenditur  ad  totum  regnum,  et  ad  omnes  eius  successores,  in  quibus  fuit  Balsazar,  deterrimus  ille  Dei  contemptor:  sed  per  comparationem  hic  dicitur  esse  pars  capitis  aurei.  Daniel  autem  ut  ostendat  se  non  adulari  regi  causam  simul  assignat  cur  Nebuchadnezer  sit  caput  aureum:  quia  scilicet  Deus  praefecerit  eum  terris  omnibus.  Atqui  videtur  hoc  esse  cunctis  regibus  commune.  Nemo  enim  nisi  Dei  auspiciis  dominatur.  Verum  quidem  est  aliqua  ex  parte,  sed  intelligit  propheta  singulari  modo  evectum  fuisse  Nebuchadnezer,  ut  supra  alios  omnes  monarchas  excelleret.  Iam  sequitur,  39.  M  post  te  exsurget  regnum  aliud  inferius  te  (hoc  est,  tuo),  et  regnum  tertium  aliud,  quod  (erit)  aeneum:  et  dominabitur  in  tota  terra.  Hoc  versu  complectitur  Daniel  secundam  et  tertiam  monarchiam.  Secundam  monarchiam  dicit  fore  regno  chaldaico  inferiorem,  non  potentia,  vel  opibus.  Fuit  enim  imperium  illud  chaldaicum,  quantumvis  longe  et  late  pateret,  accessio  monarchiae  Persarum  et  Medorum.  Cyrus  enim  subegit  prius  Medos:  et  quanquam  adscivit  in  regni  societatem  Cyaxarem  socerum  suum,  tamen  expulerat  avum  maternum  regno,  et  adeptus  erat  pacatam  regni  possessionem  in  tota  Media.  Postea  devicit  etiam  Chaldaeos  et  Assyrios;  ut  omittam  Lydos  et  reliquas  minoris  Asiae  gentes.  Videmus  itaque  non  vocari  inferius  eius  regnum,  quod  minus  habuerit  splendoris  vel  opulentiae  in  oculis  hominum:  sed  quia  deterior  futura  erat  mundi  conditio  sub  illa  secunda  monarchia:  sicuti  corruptelae  et  vitia  magis  ac  magis  crescunt.  Verum  quidem  est,  Cyrum  fuisse  cordatum  principem  :  sed  interea  fuit  sanguinis  cupidissimus:  deinde  ambitio  et  avaritia  sic  rapiebant  hominem,  ut  oblitus  omnis  humanitatis  huc  et  illuc  excurreret,  quemadmodum  solent  ferae  bestiae.  Et  si  probe  reputamus  quale  fuerit  ingenium  ipsius,  reperiemus  quod  dicit  Isaias  (13,  18),  fuisse  appetentissimum  sanguinis  humani.  Et  simul  notandum  est,  hic  non  agi  de  solis  regum  personis,  sed  de  ipsorum  consiliariis,  deinde  etiam  de  toto  populo.  Merito  itaque  Daniel  pronuntiat  secundum  regnum  fore  inferius  primo,  non  quod  vel  dignitate,  vel  opibus  et  potentia  praecelluerit  Nebuchadnezer:  sed  quia  mundus  non  ita  degeneraverat,  sicuti  postea  factum  est.  Nam  quo  sese  longius  extendunt  monarchiae,  eo  etiam  plus  licentiae  in  mundo  grassatur:  et  usus  hoc  facile  docet.  Unde  apparet  quanta