35:597  597  SERMONS  BE  LA  PROPHETIE  DE  CHRIST.  598  Dieu  et  nous,  il  faut  qu'il  s'abaisse,  comme  il  est  dit  aussi  qu'il  a  este  fait  sous  la  Loy,  combien  qu'il  n'en  fust  point  detteur,  et  qu'il  fust  luy  mesme  celuy  qui  doit  gouverner:  et  auquel  toute  suietion  doit  estre  rendue:  mais  il  s'est  mis  en  ce  rang-la  pour  nous  affranchir  du  ioug  qui  nous  estoit  insupportable.  Car  la  Loy  nous  estoit  un  fardeau  pour  nous  abysmer,  sinon  d'autant  que  nostre  Seigneur  Iesus  l'a  porte  et  nous  en  a  affranchis  par  ce  moyen.  Et  ne  devons  point  trouver  estrange  s'il  est  appele  Serviteur  de  Dieu,  veu  qu'il  n'a  point  refuse  d'estre  le  nostre  quant  et  quant,  qui  est  bien  plus.  Car  si  nous  regardons  nostre  condition,  il  n'y  a  que  vanite,  nous  sommes  povres  vers  de  terre,  mesme  le  diable  et  ie  peche  dominent  sur  nous:  et  neantmoins  voyla  le  Fils  unique  de  Dieu  qui  s'abbaisse  iusques  la  de  s'employer  a  nostre  service,  comme  S.  Paul  en  parle.  Il  est  ministre  (dit-il)  de  la  Circoncision.  Au  reste,  notamment  le  Prophete  a  use  de  ce  mot  afin  que  nous  scachions  que  tout  ce  qui  est  yci  raconte  de  luy,  est  pour  le  bien  et  pour  le  salut  commun  de  toute  l'Eglise.  Or  il  faut  regarder  a  quoy  Iesus  Christ  a  este  appele:  c'est  ascavoir  pour  estre  le  Redempteur  de  tous  fideles  et  de  tous  eleus  de  Dieu.  Puis  qu'ainsi  est  donc  que  la  charge  luy  a  este  commise,  et  que  sa  vocation  est  telle,  ne  doutons  pas  que  tout  ce  qui  est  declare  de  sa  personne,  ne  nous  soit  commun  et  que  le  profit  ne  nous  en  reviene  de  ce  que  nous  verrons  ci  apres.  Voyla  donc  quant  a  l'intention  du  Prophete.  Or  il  dit  que  Iesus  Christ  estant  appele  a  cest  office  de  sauver  tous  les  siens,  prosperera,  qu'il  sera  exalte  et  magnifie  a  merveilles.  Ceci  est  pour  armer  les  fideles  contre  la  tentation  qu'ils  pouvoyent  avoir  devant  que  Iesus  Christ  apparust  en  sa  gloire  et  en  sa  maieste:  c'est  a  dire  devant  que  luy,  qui  est  le  Dieu  eternel  plein  de  gloire,  fust  manifeste  en  chair.  Car  quand  les  Iuifs  sont  transportez  en  Babylone  (comme  desia  nous  avons  dit)  il  n'y  a  plus  de  dignite  en  la  lignee  de  David,  tout  cela  est  racle.  Vray  est  que  quand  quelque  portion  retourne,  il  y  a  Zerobabel  qui  est  tenu  pour  capitaine  et  chef:  mais  il  n'y  a  nul  diademe  Royal,  il  n'y  a  sinon  quelque  reputation  d'honneur:  d'autant  que  le  peuple  retient  tousiours  quelque  reverence  envers  ceste  maison  de  David.  Voyla,  di-ie,  Zerobabel  qui  est  obey:  voire,  mais  ce  n'est  pas  qu'il  y  ait  nulle  apparence  d'Empire.  Il  faloit  donc  que  les  fideles  fussent  munis  contre  une  telle  tentation,  et  que  Dieu  les  asseurast  que  le  Redempteur  sortirait,  et  que  quand  la  terre  se  deveroit  ouvrir,  et  tous  les  abysmes  pour  luy  donner  issue,  et  pour  s'eslever  en  haut,  neantmoins  si  faloit-il  que  la  chose  adveinst.  Ainsi  il  n'y  a  doute  que  le  Prophete  ne  face  yci  comparaison  entre  deux  choses