32:597  597  SUR  LE  PSEAUME  CXIX.  598  nostre  seus  avec  la  sagesse  de  Dieu.  Et  puis  de  la  contrariete  de  nos  affections  et  cupiditez  mauvaises,  avec  ia  bride  qu'il  nous  met  pour  nous  renger  a  son  plaisir  et  a  son  obeissance,  quand  les  hommes  veulent  prendre  conseil  de  leur  teste,  qu'ils  trouvent  a  contreroler  en  tout  ce  que  Dieu  dit  en  sa  parole:  alors  nous  accordons  autant  que  le  feu  et  l'eau.  Car  toute  nostre  sagesse  n'est  que  vanite  et  mensonge,  quand  on  la  voudra  opposer  a  l'Escriture  saincte  et  a  la  doctrine  de  ia  Loy,  et  a  tout  ce  qui  est  contenu  aux  Prophetes  et  en  l'Evangile.  Comme  nous  voyons  qu'auioud'huy  le  monde  ne  s'y  peut  nullement  assuiettir.  D'ou  viennent  tant  de  combats  et  de  dissensions  qui  sont  en  la  Chrestiente?  C'est  d'autant  que  les  hommes  veulent  estre  par  trop  sages,  et  qu'ils  ne  peuvent  iamais  honnorer  Dieu  iusques  la  pour  dire:  Seigneur,  combien  que  nostre  sens  nous  meine  tout  au  rebours,  si  est-ce  qu'il  nous  faut  renger  a  toy.  Pource  que  les  hommes  ne  peuvent  venir  a  ceste  raison-ia,  il  faut  que  les  esclats  en  volent,  que  le  monde  soit  corrumpu.  Voyla  donc  qui  empesche  la  plus-part,  de  confesser  de  coeur  comme  de  bouche,  que  les  iugemens  de  Dieu  sont  iustes:  c'est  a  dire,  qu'il  y  ait  toute  perfection  de  sagesse  en  sa  Loy,  en  ses  Prophetes,  et  en  l'Evangile:  qu'il  salle  que  nous  luy  facions  hommage  en  tout  cela,  cognoissans  qu'il  est  impossible  de  trouver  un  seul  poinct  a  redire  en  tout  ce  qui  est  la  contenu.  Car  encores  que  nous  entendions  bien  que  les  iugemens  de  Dieu  sont  iustes,  c'est  a  dire,  tellement  que  nostre  esprit  s'y  puisse  conformer,  que  nous  en  iugions  ainsi:  si  est-ce  toutesfois,  que  voyla  nos  cupiditez  et  nos  passions,  qui  sont  impetueuses  pour  resister  a  Dieu  et  luy  estre  contraires.  Comme  quoy?  Un  paillard  sera  bien  convaincu  que  sa  paillardise  est  meschante:  un  yvrongne  condamnera  son  yvrongnerie:  et  ne  dira  point  de  ce  vice,  auquel  ii  est  adonne,  que  ce  soit  vertu.  Autant  est-ii  d'un  blasphemateur,  d'un  larron.  Mais  neantmoins,  si  est-ce  que  telles  gens  ne  peuvent  pas  donner  gloire  a  Dieu,  disans,  que  sa  Loy  est  iuste:  car  ils  murmurent  a  l'encontre,  et  se  despitent  de  ce  qu'il  ne  leur  met  pas  la  bride  sur  le  col,  qu'il  ne  leur  donne  toute  licence  de  faire  ce  que  bon  leur  semblera.  S'il  estoit  en  eux,  ils  voudroyent  arracher  Dieu  de  son  siege,  afin  qu'il  n'eust  plus  nulle  authorite  sur  eux.  Voyla  que  c'est  des  affections  humaines.  Ainsi  donc,  il  se  trouvera  bien  petit  nombre  de  gens  qui  soyent  semblables  a  David,  qui  disent  en  verite  et  sans  fiction,  Seigneur,  i'ay  cognu  que  tes  iugemens  sont  iustes.  Quand  il  dit  qu'il  a  cognu,  il  signifie  qu'il  a  acquis  nouvelle  intelligence,  qu'il  n'avoit  eu  auparavant,  comme  s'il  disoit,  Seigneur,  i'ay  profite  iusques  la,  que  i'ay  renonce  a  mon  sens  et  a  ma  raison:  car  ie  scay