25:597  597  NOTICE  LITTERAIRE.  598  leur  faisoye  veoir  de  quelle  pasture  nous  sommes  nourris,  et  en  quelle  simplicite,  purete,  verites  reverence  et  #ele,  la  parole  de  Dieu  nous  est  annoncee  par  ceux  que  le  Seigneur  a  commis  Pasteurs  sur  son  povre  troupeau  qui  est  en  ce  pays:  et  aussi  afin  que  les  meschans  et  mercenaires  qui  en  font  leurs  risees,  apprenent  a  se  taire,  et  a  rouyir  en  leur  confusion,  voyans  combien  il  y  a  de  difference  entre  exposer  la  parole  de  Dieu,  et  habiller  en  chaire.  Parquoy,  i'ay  choisi  entre  autres  les  sermons  de  nostre  fidele  Pasteur  Iean  Calvin  sur  les  dix  Commandemens  de  Dieu,  lesquels  ont  este  recueillis  sous  luy  (comme  aussi  tous  les  autres  qu'il  fait)  par  l'escrivain  ordinaire,  sans  que  depuis  U  y  ait  mis  la  main,  ou  les  ait  reveus  en  sorte  que  ce  soit.  Ce  que  ie  di  pource  qu'on  pourroit  penser  qu'il  les  auroit  limez  et  polis  en  la  maison  tout  a  son  loisir,  pour  en  faire  monstre,  mais  ie  vous  puis  asseurer  qu'ils  sont  tels  que  Dieu  luy  a  donne  de  prononcer  publiquement,  sans  qu'il  y  ait  adiouste  ou  diminue  un  mot  Mesmes  iamais  n'a  este  d'avis,  et  n'a  voulu  permettre  qu'on  en  imprimast  aucuns,  fors  quatre  pour  le  soulagement  des  povres  fideles  qui  cerchent  la  liberte  Evangelique  *),  et  cependant  trouvent  tant  dyempeschemens  qu'ils  ne  s'en  peuvent  desvelopper:  ce  qu'il  feit  aussi  en  partie  pour  s'acquitter  d'une  promesse  qu'il  avoit  faite,  de  mettre  quelque  iour  quelques  Homelies  en  lumiere.  Les  autres  qui  ont  este  depuis  adioints  a  ces  quatre,  c'a  plus  este  d'une  permission  contrainte  et  forcee  ou  plustost  importunite,  que  de  franche  volonte  et  consentement.  Ce  qu'il  faut  aussi  que  ie  confesse  de  ceux-ci:  car  iamais  ne  m'eust  permis  les  imprimer,  en  ayant  desia  este  requis  d'autres  fois,  sinon  que  ie  l'eusse  presse,  et  souvent  importune.  Non  qu'il  soit  si  chagrin  et  difficile  de  sa  nature:  mais  d'autant  que  toute  son  entente  est  a  ce  que  les  oeuvres  qu'il  met  en  lumiere,  sortent  avec  tous  leurs  ornemens,  il  luy  fait  mal  que  ce  qu'il  a  presche  simplement  et  nuement  pour  s'accommoder  a  la  rudesse  du  peuple,  sans  appareil  ne  disposition  exquise,  soit  subit  mis  en  lumiere,  comme  s'il  affectoit  que  tout  ce  qu'il  dit  soit  incontinent  seme  par  tout,  et  que  le  monde  soit  rempli  de  ses  escrits.  Voila  pourquoy  il  a  tousiours  fait  refus,  que  tant  ses  lecons  que  ses  predications  fussent  imprimees.  Cependant  il  est  si  debonnaire  qu'il  ne  peut  si  bien  se  desfendre  des  importunite^  de  ceux  qui  sont  autour  de  luy,  qu'il  ne  se  laisse  quelque  fois  aller,  donnant  neantmoins  tousiours  a  cognoistre  qu'il  voudroit  qu'il  en  fust  autrement  Or  mes  freres,  vous  pourries  donc  penser  qu'il  y  a  de  la  temerite  en  ceux  qui  entreprennent  telles  choses  contre  son  vueil:  mais  leurs  raisons  entendues,  vous  aures  de  quoy  vous  contenter.  Car  si  le  desir  de  chacun  fidele  doit  estre  que  tous  viennent  a  la  cognoissance  de  verite,  et  que  tous  participent  aux  mesmes  richesses  celestes  qu'il  fait,  qui  est  celuy  qui  voyant  qu'il  y  a  tant  de  povres  membres  de  Iesus  Christ  par  le  monde  detenus  en  pire  servitude  que  VEgyptiaque  ou  la  Babylonique,  sous  V  Antechrist  Bomain,  qui  sont  languissans  et  asseaiez  par  faute  de  ceste  pasture  spirituelle,  ne  soit  induit  a  leur  donner  secours?  Voyla,  voyla  ce  qui  nous  induit  a  estre  importuns.  Que  si  les  sages  qui  cherchent  un  langage  agence,  une  diction  paree,  les  sentences  de  si  bonne  suyte,  et  si  bien  coniointes  qu'il  n'y  ait  que  redire,  s'ennuyent  ou  mocquent  de  ceste  simplicite,  il  nous  en  doit  peu  chaloir,  pourveu  que  les  povres  brebieies  y  puissent  recueillir  refection,  et  qu'elles  y  trouvent  quelque  contentement,  en  attendant  leur  delivrance.  Or  ce  qui  m'a  induit  a  plustost  choisir  ces  sermons  que  d'autres,  est  que  les  Commandemens  de  Dieu,  lesquels  tous  devroyent  entendre  et  scavoir,  sont  tellement  ensevelis  es  lieux  ou  on  en  fait  profession  de  Chrestiente,  qu'il  semble  que  ce  soit  une  chose  de  neant.  Les  uns  les  confondent  avec  les  commandemens  du  Pape,  qu'ils  appellent  de  l'Eglise,  et  en  font  un  tel  meslinge,  qu'ils  ne  les  scauroyent  discerner  les  uns  d'avec  les  autres.  Les  autres  les  ont  apprins  par  coeur,  comme  geays  en  eage  en  ie  ne  scay  quelle  rime,  ou  tout  y  est  confus  et  desmembre.  La  plus  part  ne  scait  du  tout  que  c'est:  et  toutesfois  vous  scavez  quelle  Chrestiente  il  y  peut  avoir  en  ceux  qui  les  ignorent.  Car  a  quelle  fin  Dieu  les  a-il  donnee  aux  hommes,  sinon  pour  monstrer  la  1)  Nous  supposons  qu'il  est  question  des  quatre  homelies  qui  ont  ete  inserees  dans  toutes  les  editions  des  Opuscules  ue  Calvin.  Voyes  T.  VIII.  p.  369  suiv.  38*