9:596  soyent  advertis  de  ne  se  point  abuser  a  ce  qu'il  me  charge,  que  ie  ramene  les  enfans  de  Dieu  a  la  servitude  de  la  Loy:  veu  que  tous  mes  livres  crient  assez  au  contraire,  et  la  chose  de  soy  parle  assez:  veu  qu'il  n'est  question  que  du  service  de  [page  21]  Dieu  pur  et  simple,  quand  nous  monstrons  que  nous  ne  voulons  adorer  autre  que  luy.  Combien  qu'encore  en  falsifiant  tout  par  ses  calomnies,  il  ne  se  peut  tenir  d'abuser  de  l'Escriture.  Dieu  dit  par  Ezechiel  :  D'autant  que  le  peuple  avoit  mesprise  les  bonnes  loix,  il  luy  en  a  donne  de  mauvaises  (Ezech.  20,  24).  Ce  vilain  attribue  cela  a  la  Loy  ceremoniale.  Or  Dieu  parle  de  la  tyrannie  des  Chaldeens,  a  laquelle  il  avoit  assuieti  les  Iuifs  pour  leur  ingratitude.  Qu'on  croye  maintenant  a  ce  venerable  Theologien.  En  poursuyvant  son  propos,  il  dit,  que  si  on  regarde  bien  le  tout,  on  verra  que  ceux  qui  sont  trop  adonnez  aux  ceremonies,  non  seulement  ne  s'avancent  point,  mais  plustost  se  mettent  obstacle  pour  ne  parvenir  a  la  verite.  Ie  luy  confesse  bien  que  le  trop  ne  sert  que  d'empeschement.  Mais  voyons  comment  il  applique  ceste  sentence  a  propos.  Le  corps  de  Iesus  Christ,  dit-il,  qui  est  le  plus  grand  sacrement  qu'on  puisse  avoir,  a  empesche  les  Apostres,  quand  ils  s'y  sont  arrestez,  de  recevoir  l'Esprit  qui  leur  estoit  promis.  Mais  ie  luy  demande  qui  luy  a  apprins  d'appeler  Sacrement  la  veue  du  corps  de  Iesus  Christ,  cependant  qu'il  a  converse  au  monde?  Cela  est  tire  du  plus  profond  bourbier  d'ignorance  qu'on  puisse  penser.  Il  recueille  neantmoins  de  la  qu'on  ne  sauroit  trouver  ceremonies  qui  nous  donnent  acces  au  regne  spirituel  de  Iesus  Christ.  Ie  respon  en  premier  lieu  qu'il  n'est  pas  question  d'en  forger,  mais  seulement  d'observer  celles  qui  sont  comprinses  en  l'Escriture  saincte,  [page  22]  Secondement  ie  di  que  c'est  un  blaspheme  diabolique  de  dire  que  le  Baptesme  et  la  Cene  ne  nous  soyent  aides  pour  nous  attirer  a  Dieu.  Et  toutefois  ce  vilain  les  despouille  de  toute  vertu  et  utilite.  Pour  faire  le  comble  de  sa  mesure,  il  dit  que  c'est  tout  un  de  s'abstenir  de  manger  chair  de  pourceau,  ou  de  fuir  le  service  des  idoles.  Que  sera-ce  donc  de  tous  les  saincts  Martyrs  qui  pouvoyent  racheter  leur  vie  en  mettant  trois  grains  d'encens  au  feu,  et  toutefois  ont  mieux  aime  mourir  sur  ceste  querelle?  Cependant  ils  n'eussent  pas  fait  scrupule  de  manger  de  la  chair  de  pourceau.  Et  sainct  Iean  (Ep.  5,  21),  en  commandant  de  fuir  les  idoles,  n'assuiettit  point  les  fideles  a  la  servitude  de  la  Loy  de  Moyse.  Finalement  tout  homme  de  moyen  esprit  pourra  iuger  quel  credit  merite  ce  babillard  du  tout  profane,  quand  il  oppose  a  l'authorite  de  nostre  Seigneur  Iesus  Christ,  et  de  tous  les  Apostres,  de  tous  les  Martyrs  et  Docteurs  anciens,  les  songes  d'un  san-