5:596  Premierement,  iceux  occupez  en  gouvernemens  seculiers  et  en  guerres  ont  laisse  la  doctrine.  Oultreplus,  les  colleges  des  Eglises  ont  este  changez  et  transformez,  auxqtielz  au  paravant  la  doctrine  estoit  entretenue  pour  conserver  ce  qui  avoit  este  enseigne  par  les  premiers  Evesques,  qui  avoient  receu  ce  qu'ilz  enseignoient  des  Apostres  et  des  aultres  fideles  docteurs.  Maintenant  noz:  adversaires  se  vantent  de  la  succession  ordinaire,  comme  ainsi  soit  qu'ilz  ne  se  soient  souciez  nullement,  ia'  par  longues  annees,  de  ce  qui  a  este  anciennement  tenu  en  l'Eglise.  Les  docteurs  anciens  ont  a  bon  droict  loue  la  succession  ordinaire,  non  [fol.  102]  pas  tant  pour  s'armer  de  quelque  puissance,  que  pour  monstrer  combien  les  successeurs  des  Apostres  avoient  este  diligens  a  conserver  leur  doctrine.  Depuis  ce  temps  la  les  richesses  et  seigneuries  des  Prelatz  ont  change  toute  la  forme  de  l'Eglise,  qui  a  este  cause  de  grandes  tenebres  et  d'horribles  guerres.  Nous  ne  povons  nullement  approuver  ces  abuz.  Et  quand  nous  voyons  que  les  bons  pasteurs  ont  indigence,  que  les  Eglises  sont  en  plusieurs  lieux  destituez  de  pasteurs  par  faulte  de  gages,  que  les  escoles  sont  desertes,  pource  qu'il  n'y  a  nulle  provision  pour  les  povres  escoliers,  ne  pour  les  maistres,  il  ne  se  peult  faire  que  nous  n'ayons  pitie  de  la  calamitte  et  desolation  de  l'Eglise,  et  desirons,  comme  la  raison  le  veult,  qu'on  retire  quelque  portion  de  ces  gros  erreurs,  pour  l'appliquer  a  vrays  usages  de  l'Eglise,  c'est  a  dire,  pour  conserver  le  ministere  de  l'Evangile,  et  subvenir  aux  escoles.  Christ  circuyt  entre  nous  comme  demandant  ca  et  la  qu'on  pourvoie  aux  Eglises  et  que  l'Evangile  soit  conserve,  se  complaignant  d'avoir  faim  et  soif.  Que  luy  respondront  ceux,  qui  fraudent  maintenant  les  Pasteurs  et  les  escoles,  mengeans  ce  qui  leur  appartient?  quand  il  leur  obiectera:  I'ay  eu  faim,  et  vous  ne  m'avez  pas  donne  a  menger.  Pay  eu  soif,  et  vous  ne  m'avez  pas  donne  a  boire.  IL  est  donc  a  desirer,  qu'on  departisse  quelques  choses  aux  vrays  Ministres,  et  aux  escoles,  des  revenuz  de  l'Eglise.  Au  mesme  lieu  le  Livre  requiert,  que  les  elections  canoniques  soyent  restituees,  et  que  les  estatz  soyent  tellement  reformez,  que  chascun  face  deuement  et  diligemment  son  office.  Ces  choses  nous  plaisent:  et  prions  nostre  seigneur  Iesus  Christ,  qui  est  chef  de  l'Eglise  de  Dieu,  que  comme  il  Ta  tousiours  gouvernee  et  establie  en  son  entier  par  conseil,  et  puissance  admirable,  que  aussi  maintenant,  il  la  corrige,  conduise,  et  conserve.  Amen.