49:596  prit.  Tant  y  a  qu'il  ne  nous  faut  point  arrester  ici  bas:  mais  ii  faut  que  nostre  foy  s'esleve  en  haut.  Mais  les  Papistes  ont  en  lieu  de  cela  imagine  leur  charme,  il  leur  semble  que  le  pain  ne  peut  plus  estre  sinon  le  corps  de  Iesus  Christ.  Or  quand  on  aura  ici  apporte  du  pain  cependant  que  nous  faisons  la  Cene,  il  nous  sera  comme  un  gage  du  corps  de  Iesus  Christ,  voire,  entant  que  nous  le  recevons.  Cependant  il  pourra  advenir  que  on  en  remportera  la  moitie  en  la  maison,  on  en  donnera  a  un  petit  enfant,  on  en  donnera  a  qui  on  voudra,  quelqu'un  en  mangera  sans  y  penser.  Si  on  dit,  Ho,  comment?  c'est  le  pain  de  la  Cene.  Non  est.  Ce  n'est  plus  le  pain  de  la  Cene.  Cependant  que  nous  sommes  en  l'acte,  ce  pain  la  sera  dedie  a  un  usage  particulier.  Car  nous  oyons  les  promesses  qui  nous  sont  ici  dites,  Voyci  mon  corps  qui  est  livre  pour  vous:  Voyci  mon  sang  qui  est  espandu  pour  vostre  redemption.  Cependant  donc  que  nous  oyons  de  la  bouche  de  Iesus  Christ  une  telle  sentence,  et  que  nous  recevons  le  pain  qu'il  nous  donne  pour  signe,  en  tesmoignage  que  nous  sommes  nourris  de  son  corps  et  de  son  sang,  voyla  comme  le  pain  est  sanctifie.  Et  c'est  la  vraye  consecration.  Or  les  Papistes  diront  bien,  on  consacre.  Et  qu'est-ce  a  dire?  Ils  ont  comme  un  charme  de  sorciers  en  leur  Messe  et  en  leur  Baptesme:  et  ils  sont  vrais  sorciers  en  tout  ce  qu'ils  cuident  consacrer:  ils  ne  font  que  polluer  et  le  pain  et  le  vin  et  l'eau.  Car  quand  ils  soufflent  la  dessus,  ils  font  des  enchantemens  diaboliques,  qui  tendent  tout  au  contraire  de  l'intention  de  Iesus  Christ.  Car  les  signes  qui  doyvent  servir  a  nostre  foy,  sont  vrayement  consacrez  par  la  parole  de  Dieu,  quand  elle  s'adresse  a  nous,  et  que  nous  la  recevons,  et  que  suyvant  cela  nous  mangeons  de  ce  que  nostre  Seigneur  Iesus  Christ  nous  a  institue.  Voyla  donc  en  quoy  les  Papistes  8'abusent.  Ainsi  quand  les  Peres  qui  ont  vescu  sous  l'ancien  Testament,  ont  beu  de  l'eau  qui  sortoit  du  rocher,  ils  ont  eu  un  Sacrement,  et  les  asnes  et  les  boeufs  n'en  ont  point  eu.  Il  est  vcay:  car  aussi  la  Parole  ne  s'adresse  point  la.  Si  Dieu  a  donne  a  boire  aux  boeufs  et  aux  asnes,  ce  n'est  pas  a  dire  pourtant  qu'ils  fussent  capables  du  bien  spirituel.  Ce  sont  bestes  brutes,  qui  ne  sont  point  creees  pour  la  vie  eternelle.  Dieu  donc  ne  leur  a  point  adresse  ce  signe,  comme  il  l'a  fait  a  ceux  qui  estoit  de  son  peuple.  Quand  d'une  coupe  de  ble  on  en  aura  fait  du  pain  en  la  maison,  on  en  donnera  bien  une  piece  a  un  chien,  et  cependant  de  mesme  pain  on  en  recevra  la  Cene,  quand  on  feroit  la  Cene  en  pain  commun  :  comme  elle  se  devroit  faire,  et  c'est  son  vray  usage,  car  il  n'y  a  que  superstition  et  sottise  d'avoir  des  oublies,  et  les  hommes  s'amusent  volontiers  a  des  badinages,  et  on  en  voit  beaucoup  qui  y  sont  obstinez:  mais  il  faut  pour  supporter