48:596  en  haut?  il  faut  que  nous  soyons  despestrez  de  tous  ces  membres  terrestres.  Car  quelle  convenance  y  auroit-ii  entre  nous  et  Iesus  Christ?  Il  ne  faut  point  que  nous  le  meslions  avec  nos  pollutions,  mais  que  nous  allions  a  luy  afin  qu'il  nous  en  retire.  Voyla  donc  comme  il  ne  faut  pas  seulement  que  nous  scachions  qu'il  est  au  ciel,  mais  aussi  que  nous  laissions  ces  membres  terrestres,  lesquels  nous  separent  de  luy,  et  que  nous  soyons  eslevez  en  haut.  Comment  ?  En  vraye  chastete,  en  sobriete,  en  vraye  charite,  en  temperance,  en  diligence,  en  patience,  en  toute  autre  vertu.  Voyla  les  plumes  pour  nous  monter  au  ciel:  combien  qu'a  proprement  parler  il  ne  faille  pas  avoir  des  ailes  pour  y  voler,  ne  des  escheles  pour  y  monter:  mais  que  Iesus  Christ  nous  y  meine  et  nous  y  esleve  par  les  graces  qu'il  nous  distribue,  comme  celles  que  i'ay  nommees.  Voyla  comme  il  faut  applicquer  ceste  doctrine  a  la  Cene:  tellement  que,  quand  le  pain  et  le  vin  nous  seront  presentez,  il  faut  que  nous  apprenions-  de  chercher  tout  bien  en  Iesus  Christ,  que  nous  soyons  unis  entre  nous,  et  que  chacun  se  despouille  de  ses  affections.  Si  ie  me  sens  estre  distrait  de  Iesus  Christ  par  quelque  moyen,  il  faut  que  i'arrache  tout  cela  de  moy,  tellement  que  ie  soye  vrayement  esleve  a  Iesus  Christ:  non  pas  que  nous  puissions  y  estre  eslevez  en  perfection:  mais  il  faut  tascher  de  nous  y  avancer  de  plus  en  plus.  Comme  de  fait  la  Cene  nous  est  ordonnee  a  ceste  fin,  et  nous  ne  la  recevons  pas  seulement  une  fois  en  nostre  vie,  mais  souvent,  pour  nous  signifier  qu'il  faut  marcher  en  ce  monde,  iusques  a  ce  qu'il  nous  ait  retirez  a  soy  et  delivrez  de  ce  corps-ci.  Suyvant  ceste  saincte  doctrine  nous-nous  prosternerons  devant  la  face  de  nostre  Dieu  etc.  SECOND  SERMON.  ACTES  Ch.  L  4.  Iesus  ayant  assemble  ses  disciples  leur  commanda  qu'ils  ne  se  departissent  point  de  Ierusalem,  mais  attendisses  la  promesse  du  Pere,  laquelle  (ditil)  vous  aves  ouye  de  moy,  5.  Cest  que  Iehan  a  baptize  d?eau,  mais  vous  serez  baptisez  au  sainct  Esprit  d'yci  a  peu  de  temps.  Nous  avons  traitte  par  ci  devant  de  l'obeissance  des  Apostres,  en  ce  qu'ils  ont  attendu  patiemment  ceste  promesse,  qui  leur  estoit  donnee  par  la  bouche  de  Iesus  Christ,  et  que,  combien  que  desia  ils  eussent  este  constituez  en  cest  office  d'Apostres,  toutesfois  ils  n'ont  point  presume  de  s'ingerer  de  prescher,  premier  qu'ils  ayent  este  confermez  du  sainct  Esprit,  Voyla  donc  l'obeissance  avec  l'humilite,  en  ce  qu'ils  cognoissent  qu'il  faut  qu'ils  soyent  conduits  de  Dieu.  Maintenant  nous  avons  a  traitter  de  ce  qui  est  adiouste,  que  quand  Iesus  Christ  leur  parle  de  la  promesse  de  Dieu  son  Pere,  il  dit  Vous  l'avez  ouye  de  moy  par  ci  devant.  Comme  s'il  leur  disoit  qu'il  ne  faut  point  qu'ils  attendent  de  Dieu  ce  que  bon  leur  semblera,  mais  ce  qu'il  a  promis.  En  somme,  il  faut  que  d'yci  nous  recueillions  une  doctrine,  que  nostre  foy  ne  doit  pas  estre  fondee  en