9:595  595  RESPONSE  596  mandement,  ou  il  est  dit,  Que  nous  devons  croire  de  coeur  a  iustice,  et  faire  confession  de  bouche  a  salut  (Rom.  10,  10).  Ainsi  quand  un  million  de  saincts  Martyrs  ont  mieux  aime  s'exposer  a  la  mort,  que  de  plier  les  genoux  devant  les  idoles,  si  nous  n'ensuyvons  l'exemple  qu'ils  nous  ont  donne,  il  n'y  a  nulle  excuse.  Il  y  a  grande  difference  de  vendre  tout  ce  qu'on  a  vaillant.  Car  nous  voyons  ce  que  toute  l'Escriture  enseigne  :  assavoir,  ce  que  Salomon  comprend  en  deux  mots  (Prov.  5,  15),  Que  chacun  boyve  de  l'eau  de  sa  fontaine,  et  iouisse  du  sien  sans  faire  tort  a  autruy:  et  puis  qu'il  subvienne  a  la  disette  de  ses  prochains.  Sainct  Paul  parle  encore  plus  clairement  (2.  Cor.  9,  5  s.),  qu'il  ne  faut  point  mettre  de  necessite  ou  contrainte,  mais  que  chacun  doit  estre  liberal  de  son  bon  gre,  et  tellement  subvenir  a  l'indigence  d'autruy,  que  celuy  qui  a  de  quoy  iouisse  licitement  du  sien  sans  s'espuiser.  Ce  rustre  se  moque  de  ce  qu'en  exhortant  les  fideles  a  souffrir  la  mort  plustost  que  d'idolatrer,  nous  privons  Dieu  de  leurs  ames.  En  quoy  on  void  premierement  qu'il  se  moque  de  tous  les  saincts  Martyrs  qui  iamais  ont  endure  pour  le  tesmoignage  de  l'Evangile  :  comme  s'ils  eussent  hazarde  leur  vie  follement-  et  sans  raison.  Et  pour  le  second,  qu'il  tient  bien  pour  fable  ce  que  l'Escriture  prononce,  que  nous  avons  a  glorifier  Dieu  tant  en  la  mort  qu'en  la  vie.  Il  allegue  que  Dieu  n'a  point  institue  les  ceremonies  pour  soy,  comme  s'il  en  avoit  besoin,  et  qu'il  en  receust  quelque  profit,  mais  a  cause  des  [page  20]  hommes.  Ce  que  ie  luy  confesse.  Mais  quand  il  dit,  qu'en  ce  faisant  il  a  voulu  gratifier  a  l'appetit  de  ceux  qui  demandoyent  des  dieux  qui  marchassent  devant  eux,  il  blaspheme  par  trop  vilainement:  veu  que  Dieu  sur  tout  a  tendu  a  corriger  ce  vice.  Et  quant  a  ce  qu'il  dit,  que  Dieu  auroit  plus  a  gre  que  les  hommes  le  servissent,  s'il  estoit  possible,  sans  aucune  ceremonie:  pour  prouver  son  dire,  il  faudroit  qu'il  monstrast  que  Dieu  n'a  point  cree  nos  corps  pour  y  estre  glorifie.  La  similitude  qu'il  amene  est  du  tout  absurde:  C'est  qu'un  pere  fait  semblant  de  prendre  plaisir  a  la  hochette  de  son  enfant,  a  fin  de  le  faire  la  appliquer,  de  peur  qu'il  ne  manie  du  feu  ou  un  cousteau  pour  se  mal  faire.  S'il  parloit  des  figures  Iudaiques,  possible  qu'en  partie  son  dire  seroit  supportable.  Mais  quand  il  est  question  du  service  de  Dieu,  lequel  il  a  commande  estroitement,  ce  n'est  pas  un  ieu  de  petis  enfans.  Nostre  Seigneur  Iesus  Christ  en  s'agenouillant  devant  Dieu  son  Pere  pour  prier,  n'estoit  pas  un  enfant  maniant  sa  hochette:  mais  ofiroit  le  principal,  par  lequel  nous  devons  testifier  la  reverence  que  nous  portons  a  Dieu.  En  cela  donc  on  voit  derechef  que  ce  chien  mastin  pensant  attacher  sa  morsure  sur  moy,  abbaye  contre  le  Fils  de  Dieu.  Cependant  que  les  simples