5:595  ACTES  DE  RATISBONNE.  rance  de  concorde,  n'ont  point  combatu  de  la  ceremonie  de  confirmation  et  extreme  unction:  toutesfoys,  il  estoit  necessaire  de  mettre  un  advertissement  sur  cela.  Cest  puis  que  le  Livre  deffinit  Sacrement  estre  un  signe  invisible  de  la  grace,  que  ceste  description  ne  convient  point  a  ces  Ceremonies,  qu'on  appelle  maintenant  confirmation  et  extreme  unction,  lesquelles  n'ont  ne  commandement  ne  promesse  divine.  Les  adversaires  scavent  que  ces  faceons  de  faire  sont  comme  traces  seulement  des  dons  anciens.  Au  commencement  les  dons  visibles  se  conferoient  par  les  Apostres,  et  comme  les  Prophetes  avoient  faict  au  paravant,  aussi  les  Apostres  ont  guery  des  malades  par  leurs  oraisons  et  medecines.  De  la  sont  venues  ces  faceons  de  faire:  quelles  elles  sont  maintenant,  chascun  le  voit.  Nous  vouldrions  bien  que  le  Catechistae  se  fit  par  toutes  les  Eglises,  conime  le  Livre  admoneste,  et  que  apres  l'examen  des  enfans,  et  la  profession  qu'ilz  feroient,  le  peuple  fit  priere  pour  eulx.  Nous  pensons  que  icelle  ne  seroit  pas  vaine,  et  ne  improuverions  pas  qu'on  usast  avec  d'imposition  de  mains,  comme  mesme  il  se  faict  en  aucunes  de  noz  eglises.  Il  est  pareillement  certain  que  plusieurs  [fol.  101]  receoivent  sante  par  les  prieres  de  l'Eglise,  mais  la  faceon  d'oindre  n'appartient  rien  a  cela,  et  n'a  point  de  promesse  de  Dieu.  La  dignite  des  aultres  Sacremens  est  obscurcie,  quand  ces  Ceremonies  de  petit  pris  sont  proposees  au  peuple  soubz  un  mesme  mot  et  une  mesme  deffinition.  D'avantage,  elles  sont  maintenant  pleines  de  grans  abuz,  lesquelz  il  est  necessaire  de  reprendre.  Au  tiltre  de  la  discipline  il  est  faict  mention  en  passant  des  Evesques  d'Allemaigne  qui  ont  iustice  haulte  et  basse  en  leurs  territoires.  Noz  escriptz  monstrent  souventesfois  clairement,  que  nous  cherchons  seulement  que  les  Eglises  soient  droictement  enseignees  pour  la  gloire  de  Dieu  et  le  salut  des  ames,  et  que  nous  exhortons  les  fideles  de  s'estudier  a  conserver  purement  la  doctrine  de  l'Evangile,  et  la  publier  comme  Christ  commande  quand  il  dict:  En  cela  est  glorifie  mon  Pere  celeste,  que  vous  apportiez  beaucoup  de  fruict  et  soyez  mes  disciples.  Il  enseigne  que  le  principal  honneur  que  nous  pouvons  rendre  a  Dieu,  c'est  d'avoir  soing  de  conserver  et  multiplier  l'Evangile.  Voila  que  nous  procurons  et  n'empeschons  pas  que  les  Evesques  ne  possedent  richesses  et  Seigneuries  qui  leur  sont  donnees  des  Empereurs  et  des  Princes.  Toutesfoys  nous  prions  qu'on  considere  combien  de  dommages  et  de  ruynes  sont  advenues  a  l'Eglise  de  la  domination  et  des  richesses  du  Pape  et  des  Evesques.