49:595  595  SERMONS  596  nostre  Seigneur  Iesus,  de  laquelle  auiourd'huy  nous  sommes  vivifiez  quant  a  nos  ames.  Cependant  de  la  nous  pouvons  facilement  recueillir  comment  c'est  que  les  Sacremens  nous  apportent  a  la  verite  ce  qu'ils  signifient.  Ce  n'est  pas  pour  enclorre  Iesus  Christ  sous  les  elemens  de  ce  monde:  mais  c'est  plustost  afin  que  nous  le  cerchions  en  sa  gloire  celeste.  Les  Papistes,  quand  on  leur  dit  que  le  pain  de  la  Cene  est  le  corps  de  Iesus  Christ,  ils  ne  peuvent  comprendre  cela,  sinon  que  le  pain  ait  perdu  sa  nature,  et  soit  change:  et  que  ce  morceau  la  n'ait  plus  de  substance  corruptible:  mais  que  ce  soit  comme  l'essence  de  Dieu.  Et  de  faict,  ils  adorent  ce  signe  visible,  comme  si  toute  la  maieste  de  Dieu  estoit  la  enclose.  Et  pourquoy?  Car  il  est  escrit  (disent-ils)  que  c'est  le  corps  de  Iesus  Christ.  Et  la  pierre  estoit  aussi  bien  Iesus  Christ.  Car  sainct  Paul  n'a  point  parle  de  sa  fantasie,  mais  il  nous  faut  recevoir  ce  qu'il  dit,  comme  procedant  de  Dieu.  Voyla  donc  une  promesse  infalible,  c'est  que  la  pierre  ou  le  rocher  estoit  Christ.  Il  est  dit  du  pain  que  c'est  son  corps.  L'eau  qui  est  sortie  de  ceste  pierre  ou  de  ce  rocher  la,  c'estoit  le  sang  de  Iesus  Christ.  Et  qui  en  a  beu?  Les  asnes  et  les  boeufs  aussi  bien  que  les  hommes.  .  Regardons  maintenant  ou  en  sont  les  Papistes.  Car  ii  leur  semble  que  Iesus  Christ  seroit  argue  de  mensonge,  et  que  ceste  sentence  ne  seroit  plus  vraye,  Voyci  mon  corps,  sinon  que  le  pain  fust  transsubstancie:  c'est  a  dire  qu'il  eust  perdu  sa  substance,  et  qu'il  se  feist  un  changement  tout  nouveau.  Or  maintenant  voici  S.  Paul  qui  proteste  de  l'eau  dont  les  Peres  ont  beu  au  desert,  estoit  le  sang  de  Iesus  Christ.  En  quelle  sorte?  Il  les  accompare  a  nous,  et  dit  qu'ils  ont  beu  le  breuvage  spirituel  qui  nous  est  auiourd'huy  donne  en  la  Cene.  Est-il  ainsi?  et  toutesfois  les  boeufs  et  les  asnes  en  ont  beu,  non  pas  que  ce  leur  ait  este  un  Sacrement.  Il  faut  la  revenir.  Mais  tant  y  a  que  nous  voyons  ici  la  bestise  qui  a  este  au  monde,  dont  encores  auiourd'huy  tant  de  gens  sont  ensorcelez,  en  sorte  qu'ils  demeurent  la  stupides,  quelque  raison  qu'on  leur  mette  au  devant.  Car  ils  ne  peuvent  distinguer  entre  le  signe  et  la  chose  qui  est  figuree.  Exemple  quand  nous  recevons  la  Cene  de  Iesus  Christ,  il  semble  aux  Papistes  que  nous  ne  communiquons  point  avec  luy  pour  estre  nourris  de  sa  substance,  sinon  que  le  pain  (comme  i'ay  dit)  ait  perdu  son  essence  et  sa  nature.  Au  contraire,  quand  nous  prenons  le  pain,  nous  disons  que  ce  signe  materiel  nous  doit  mener  plus  haut,  voire  iusques  au  ciel,  et  qu'alors  vrayement  nous  recevons  vie  de  Iesus  Christ,  et  sommes  nourris  de  sa  substance.  Et  comment  cela?  Certes  la  facon  nous  est  incomprehensible.  Il  faut  bien  que  Dieu  besongne  ici  en  nous  par  son  sainct  Es-