35:595  595  SERMONS  DE  LA  PROPHETIE  DE  CHRIST,  TOUCHANT  SA  MORT  ET  PASSION:  PRINS  D'ISAIE.  PREMIER  SERMON  Isa.  Chap.  LII.  13.  Voy  ci,  mon  serviteur  prosperera,  il  sera  exalte,  il  s'eslever  a,  il  sera  hausse  grandement.  14.  Car  plusieurs  ont  este  estonnent  de  toy,  pource  que  ton  visage  estoit  desfigure  plus  que  nul  homme,  et  deforme  plus  que  nul  des  mortels.  15.  Aussi  il  arrousera  plusieurs  peuples:  les  Bois  fermer  ont  leur  bouche  sur  luy;  car  ceux  ausquels  il  n'a  point  este  conte,  Vorront,  et  ceux  qui  ne  savoyent  point  ouy,  entendront.  Chap.  LIII.  1.  Qui  croira  a  nostre  predication  et  a  qui  sera  revele  le  bras  du  Seigneur?  Le  Prophete  ayant  parle  en  general  de  tout  le  peuple  des  Iuifs,  vient  maintenant  au  chef  duquel  dependoit  tout  ce  qu'il  a  dit  ci  dessus.  Car  leur  redemption  n'estoit  fondee  sinon  en  nostre  Seigneur  Iesus  Christ:  comme  aussi  c'est  en  luy  que  toutes  les  promesses  de  Dieu  sont  accomplies.  Or  desia  de  long-temps  le  Redempteur  avoit  este  promis  :  mais  quand  il  semble  que  la  lignee  de  David  soit  du  tout  esteinte,  l'esperance  des  fideles  pouvoit  aussi  estre  abolie.  Il  estoit  dit  que  Dieu  establiroit  tousiours  un  Roy,  et  l'asserroit  sur  le  siege  de  David,  et  que  cependant  qu'il  y  auroit  soleil  et  lune  au  ciel,  ce  Royaume  la  seroit  maintenu  et  conserve:  et  quand  tout  le  monde  deveroit  perir,  qu'il  y  auroit  la  une  fermete  si  grande,  qu'on  verroit  bien  que  c'estoit  un  Royaume  plenement  dedie  a  Dieu.  La  dessus  neantmoins  il  se  diminue:  voire  tantost  apres,  et  petit  a  petit  il  s'en  va  en  decadence,  iusques  a  ce  que  le  Roy  penultieme  est  enmene  captif,  et  toute  la  lignee  Royale  transportee  et  quasi  retranchee.  Le  dernier  qui  est  cree  a  la  poste  d'un  homme  incredule,  et  ennemi  de  toute